17 Antu asuma ndi cakuti yapunda yati, “Tutulwe!” Yawe akayuvwa nu kuyatulanya ku macuzi yao yonsi.
Ndayaasuka lino yatacili yangame, ndayuvwa na lino yatacili yamale ukuvwanga.
Ivikacula umuntu musuma ala ivingi wakwe cimwi. Lelo Yawe akamupususya kuli vyonsi sile.
Umupina ndi akulila Yawe akamuvwa, nupya akamupususya nu ku macuzi yakwe yonsi.
Lino yene yalandaizya nemo ndayasuka, lino yaponelwa namalanda nemo namayanga nayo. Namayataasyanga nu kuyacindamika.
Yawe aliwe ali kalinda wa ana asuma, nupya wene akauvwa ni nkuta zyao.
Umu manda yalya Hezekiya walwile apipi ni mfwa. Ali pakupepa kuli Yawe, nawe amuvwa nga amupeela ni cimanyililo cakuti watamuvwa.
Yonsi pyu ngani nayalovya, pakuti kutakaye nanti umwi uwa kuiusya.
“Ali cino fwandi yame Yobo ucimanye ukuti Leza asyatazyela antu yakwe akayele. Nupya asyalonda yakacita ya viipe.
Lelo apamulandu nu kutemwa kwako ukukulu, nemo namaingilanga umu Ng'anda yako ikulu. Namakufukamilanga nu mucinzi, ulunga ni Ng'anda yako iyamuzilo.
Anisi yatiyapongelela umwi lovyo lya muyayaya. Watuwisya imisumba yao na mazina yao yatiyalowa.
Sangala Yawe alukwiusya amaifyo yao, lelo yene yililikwe!
Umuntu musuma auze yalamwiusya wa upolelelo, lelo umuntu mwipe alililika zuwa.
Kuli kuti ndapezya umuntu wiyo nu kuleka ukuti aye icakulolela kweneko kuli yauze. Ndamusukula mu antu yane nga lyene mulamanya ukuti nene indi Yawe.
Ndi cakuti anisi yao yayasenda umu uzya, kuku kwene ndapeela ilamulo lyakuti yayakome umu nkondo. Ndayacevya mpaka njaletele imikosi nupya ntalayazwa awe.
