12 Uzye mwemo mukulonda ukuilyokezya pano nsi? Uzye mukulonda ukulengela pano nsi nu kusansamuka penepo?
Muce mwatemwa Yawe Leza winu, mwamuyela nu kuya akutailwa kunoli, nga nawe alaleka mwemwe na amu mupanda winu mwikale amanda avule mu mpanga ino walavile ukupeela ivikolwe vinu, Abulaamu, Isaki, na Yakobo.”
Lino muli nu umi, mwemwe pamwi na amu mupanda winu mulinzile ukucindika Yawe Leza winu nu kuyela amasunde yakwe yonsi yano nkumupeela, pakuti mwikale mu mpanga ilya amanda avule.
Swensi tulinzile ukulya nu kumwa nga nu kuilyokezya pa vintu vino twaombela. Vyonsi vii uwila wakwe Leza kunotuli.
Nemo namatantalizyanga na manda yao akwikala muno nsi nu kuyapususya.”
Aingi yakati, “Ntanzi ngaweni angatupeela ulongo We Yawe, sungala utulolekesye luseluse!”
“Owe Mwe! We Leza wane sungala wiusye ukuti umi wane ukoline nu mupu. Nemo ntalatala ndole uluzango nupya.
Fwandi vyonsi vyativyuvwika. Izwi lyakumalilila umulandu aili: uwaoopa Leza nu kuyela amasunde yakwe, pano acino antunze yaumbilwe.
Campamvizye ukulondesya ukuzana amano, nga inelenganya ukuti naisansamusya na waini nu kukwata insita isuma. Nelenginye ukuti limwi ii ingaya inzila isuma ino antu yangaomvezya amanda yao anono amu nsi.
Wene walenzile uumi, nga nawe wamupeela. Wemo watantalizya na manda yakwe umuyayaya.
“Konganini nga muvwe, mwe ana aonsi yakwe Yakobo. Uvwini kuli so Izlaeli.
Nemo ne Samueli, cipelele ukutali ukwifya Yawe pa kuposiwa ukupepela mwemwe. Namamusambilizyanga imiyele isuma nupya iyampomvu.
Ndusi ni cakuvwanga, ale lyene utezye sana vino nkukunena. Ikala zii, uleke inkupanzye kweneko amano.”
We mwanane, kutika uku mazwi yane, teya amatwi kuli vino nkulanda.
Lelo ndakai mwe ana yane sumbini amano uku mazwi yano nkumunena.
Ukoopa Yawe ili ntendekelo ya mano. Nu kumanya Wamuzilo wilya, kuli kwiluka.
