10 Nanti angala yacisama yakatemboka uku nzala, lelo yayo afukilila Yawe pasi nanti cimwi cisuma cino yene yanguulilwa.
Utwana twakwe yacisama nato nga tutandika ukulila ala tukulonda icakulya cino Leza akatupeela.
Ucindami nu kama wa vyuma, vilaya umu ng'anda yakwe, nga nu lulumbi lwakwe lulayelelela pee!
Leza ali muceni wane, ntaluulilwa cimwi.
Wene akayatuula ku mfwa, nu kuyasunga ningo umu nsita ya cipowe.
Pano wemo we Yawe Leza, awewe tukazina mwenemo nupya wewe uli kavwangila witu. Watukwatila inkumbu nu kucindamika, ukatucindamika. We Yawe, usitwima ivisuma sweswe swe antu yako, swe ya miyele isuma.
Yawe atalazumilizya antu akamoopa kuti yazewana uku nzala, lelo ivilondwa vya muntu mwipe vyene asivifima kunoli.
Ukoopa Yawe kukatungululula uku uumi. Ali kuno ungikuta nu kupuza ningo ukwaula kuponelwa ni ciipe nanti cimwi.
Ukuicefya nu koopa Yawe kukaleta ukama, ucindami nga nu umi.
Suka sile antu atataila Leza alio yakasakamala pa vintu vii vyonsi. So uwa mwiyulu wene wamanya vino mukalonda vintu vii vyonsi.
