8 Yawe wati, “Namakusambilizyanga nu kukulanga inzila mwakupita. Namakuwakanga nu kukupanda mano.
Lelo Yawe akawaka yayo akamuyela, yayo ataila mu kutemwa kwakwe ukwa pe.
Zwalini ikoli lyane, musambilile kunondi, pano nene wa mutembo, nupya nkaicefya mu mwenzo, nga mumazana upuzo mu myenzo inu.
Yatalatala yuvwe inzala nanti ulusala nupya, nanti ukucula nupya ku cipuki na kasanya. Pano wiyo wino akayatezela alayatungulula ku tufukoka twa manzi.
Mwanane utailila vino nkukusambilizya, lelo lyonsi sile uwaiusya vino nakunena ukucita.
Izini kuno yayame, mwize muvwe. Nemo namamusambilizya ukukwatila Yawe icoopo.
Lyene imfukama pansi nu kupepa kuli Yawe. Indumbanya Yawe, Leza wakwe Abulaamu umusambazi wane wino watantungulula ningo ku ng'anda ya mwina wakwe, kuno niza nazana umwizikulu wa mwina wakuti akaye ali muci wa mwana wa musambazi wane.
Usi mulandu cingaya pacisila ca manda yaili, nanti umwezi, nanti umwaka, nanti nsita ntali, aina Izlaeli yalinzile kusyala mu nsakwe zyao ukwaula ukutenuka. Lelo lino lilatenuka nayo kwene yalinzile kutenuka.
Leza wi cili cakuzinamo icane icamaka. Wene akalalika ivipando vyonsi umu nzila yane.
wemo ulinzile wayuvwa kuko kuno wikala ukwako kwiyulu. Uwayelela aomvi yako uluse, aina Izlaeli. Uwayasambilizya ukucita ivintu visuma, uwaleka ni mvula ukutonya pa mpanga ino we mweneco watupile, swe antu yako yano waisolwela, kuti ingaya icaupyanyi citu.
Yayo akwatila Yawe icoopo, akayalangilila inzila umwakulondela.
Undole uluse luse cila katondo, pano awewe sile nataila. Undangilile inzila umwakupita, pano umwenzo wane waya sile kunuli.
Yawe, Katuula wako, Wamuzilo wilya wakwe Izlaeli, wavwanga wati, “Nene indi Yawe, Leza winu, wiyo akamusambilizya vyakuti vyamuzipila, kuti ivintu vimuzipile. Nkamutungulula umu nzila ino mulinzile kupita mwenemo.
