9 Ya na mizu kunondi, we Yawe, pano nemo indi umu ucuzi. Ukulilizika kwane kwatikumvimvya amanso, umwili wane nu mwenzo wane vikunyunguluka.
Ulanda watiuleka amanso yane iyayenza, nu kukota natinkota apamulandu na anisi yane.
Ivipa vyane vyativinyomelwa nu kunyunguluka. Cila wanda nkalaizya kunuli, we Yawe, nkutumpula amakasa kunuli, nkupepa.
Nanti sile umwili wane nu mwenzo wane vingatontenkana, we Leza, wewe uli maka yane, awewe nkalukisya pee!
Ali cino imyenzo itu yatemboka na pa manso itu pali akanda, pamulandu na minsozi,
Ukulunda pali cico, amanso itu yasusile yatonta. Twatwalilile ukulolela ukwazwiliziwa ukufuma ku luko luno lutange lututuule.
Yamwi yikalanga umu mfinzi umu kanda nu mu cinzingwa ca mfwa, ala yatiyanyepwa umu minyololo,
Iye mwe Leza, awewe ukaleka kuti nacula vii umusanya onsi, na cila katondo ukatala uncuzyapo!
Nkukupeela vino natiile indakupeela, lino nali umu ucuzi.
Yati yatufwantola pansi, iyatucimvya, tulambalile umu lukungu.
Amanso yane yatiyatonta umu kucululuka. Alino lyene natinonda, ninyaluluka ungati akasote sile.
Wene wangazwilizye amfuntusya ku uzanzo. Wantuuzile pano wazangile munondi.
Yawe wancitila ukulingana ni milimo yane isuma. Wene watandambula pano nene wakaele.
Nkazinganya anisi yane suka injazana. Insiwela sile suka natala nayalovya.
