4 Umfumye umu citeyo cino yatiyanteya. Wewe uli cisao cane.
Nkalingamila kuli Yawe kuti angazwe, nawe akampususya ku mazanzo.
Acilumba yanteya ulukose umu umfisolo, yanteya inkose zyakuti nkalemyeko, yika ivisiki umu nzila ivyakuti nkapumikeko.
Alino lyene yalaelenganya ningo nga yalatuulwa ku citeyo cakwe Ciwa, wino uwayalema nu kuleka kuti yayela kulonda kwakwe.
Anisi yane yatiyateya isumbo ilyakuti indemye, lelo nemo natimfumfuma mwenemo. Yatiyanjimbila ucinga umu nzila, lelo aliwo kwene yatiyawela iyaponela mwenemo.
Sungala upokelele amazwi yapa kanwa kane, na melenganyo amu mwenzo wane. We Yawe, we ciliwe cane na katuula wane!
Ndi cakuti wazembeleka umuzo, ala waiteya ulukose.
Imyenzo itu yapusunsuka sile, wa cunyi uku lukose lwa muwamvi.
Nemo yakansonka sile lino yakunteya isumbo, na pakunjimbila polowe.
Lelo wene waswike ati, “Cikuku cane sile icikulondekwa kunuli. Pano maka yane yakaombesya lilyo lino watonta.” Acino Klistu ndi watwalilila kumpela maka yakwe, lyene nakulaitumika pa utonte wane.
Nkalaizya kuli Yawe, wiyo uwalinga ukulumbanya, nga nawe akantuula ku anisi yane.
Ali kuno akawezezya umwenzo wane amaka. Akantungulula umu nzila zya ololoke, pakuti ncindike izina lyakwe.
