Masamu 31:3 - Amazwi Yakwe Leza 2013

³ Pano wewe ciliwe cane ni linga lyane. Ali cino fwandi, apamulandu wi zina lyako, undangilile nu kuntungulula ndi muno walaila.

Masamu 31:3 交叉參考

Luka 1:79

nu kuyengesa pali yonsi yano aikala mu mfinzi nu mu cinzingwa ca mfwa, nga nu kututungulula mu kwikala umi wa mutende.”

Masamu 79:9

Ndu tutuule, we Leza katuula witu, pano wemo wewe mucindami. Ali cino fwandi ndanga utwazwilizye, ukumbule na maifyo itu, alino antu yamakulumbanya.

Yoane 16:13

Lelo lino Mupasi wa cumi aliza, wene alamutungulula ku cumi cakwe Leza consi. Pano atalaivwangila. Lelo vintu vyonsi vino alauvwa avino alavwanga, nga alamumanyisya ni vintu ivili nu kwiza.

Yelemiya 14:7

Antu yane yakundilila, yati, “Nanti angala amaifyo itu yakutusinila, we Yawe ule utwazwilizye sile ndi muno walavile. Twifya wakwe cimwi kunuli, na ucisanguka witu wapitilila.

Ezaya 49:10

Yatalatala yuvwe inzala nanti ulusala nupya, nanti ukucula nupya ku cipuki na kasanya. Pano wiyo wino akayatezela alayatungulula ku tufukoka twa manzi.

Masamu 139:24

Lola ndi cakuti nimpita umu nzila iipe, ntungulule umu nzila ya umi wape.”

Masamu 43:3

Nkozezye sile uluswepo lwako, undangilile nu ufumacumi wako uleke avino vinkolelele, vintwale uku Zioni, uku mwamba wako uwamuzilo, nu kunjingizya umwi sano lyako, muno wikala!

Masamu 25:11

Pamulandu wa kucindamika izina lyako, We Yawe, unjelele amaifyo yane, pano yene yavulisya.

Masamu 25:5

Untungulule nu kunsambilizya ukwikala mu vyacumi vyako, pano wewe uli Leza wane, wino akantuula. Wewe nataila amanda yonsi.

Neemiya 9:12

Umusanya wene wayatungululanga umwi kumbi, alino usiku uku cimbilimbili ca moto, icayakozezyanga inzila umwakupita.

Masamu 25:9

Akatungulula aicefya umu nzila nsuma, nu kuyasambilizya ukulonda kwakwe.

Masamu 18:2

Yawe cili ciliwe cane, nupya lili linga lyane na katuula wane. Wene ali Leza wane, nupya ciliwe cane cino nkaya uku kuzina mwenemo.

Neemiya 9:19

Lelo wemo ku luse na mizu yako akulu utatazile uyatazyele foo, lino yali mu lwanga. Imvumba ya cunsi ci kumbi itatazile iyasye. Apa macaca ali ino yayatungululanga inzila ukwa kulungama, nga usiku cimbilimbili ca moto naco cayakozezyanga umwakupita.

Yoswa 7:9

Lino aina Kenani pali pamwi na antu yauze akaya ya mpanga ilya yaluvwa cii, yaliza yatuzinguluke nu kutulovya swensi pano pansi. Uzye lyene wemo ulacita cani pakuti umucinzi wako ukulu utakononeke?”

Efeso 1:12

Wene wacisile cii, pakuti swe muno twali ankolelo kupaalila muli Klistu tulumbanye lulumbi lwakwe.

Masamu 71:3

Uye Ciliwe cane umwakuzinamo, muno nkapusukila kwati indi umwi linga lya maka. Wemo awewe nkazinamo, nupya awewe ukancingilila kweneko.

Masamu 102:3

Amanda yane yakupita wa cunsi, nu mwili wane ukupya wa moto.

Masamu 116:2

Akantezya lyonsi lino nalaizya kunoli.