21 Lumbanyini Yawe! Pano wene wandanga uluse lwakwe ulwa kuzunguka lilyo lino anisi yanzingulwike nu kunzanza.
Langa ukutemwa kwako ukwa kuzunguka, we muno ukapususya yayo akasimwilila kunuli ukufuma uku anisi yako.
Lelo mwemwe mutundu usololwe, yasimapepo aku wene. Mwemwe luko lwamuzilo, nupya antu yakwe Leza yano asololwa kuti yalande vicitwa vyakwe Leza vyakuzunguka. Leza uwamwama kuti mufume mu mfinzi nga mwize mu luswepo lwakwe ulwakuzunguka.
Namakusangula umusumba wi linga, ulucesi lwa cela, ilinga lya mukuwa lya kulwisyanya ni nsi yonsi. Yamwene aku Yuda, ivilolo vyao, yasimapepo yao kumwi na ikala nsi yonsi.
Fwandi vii ali vino Yawe wacita. Iye mwee! Awe cumi twazunguka wakwe cimwi swe yano tukulola!
Imbilini Yawe ulwimbo lupya, pano wacita ivyakuzunguka, nupya wacimvya uku maka yakwe nu ulamba wakwe ucindame.
Leza alakutulanya ku antu ya lwambo, nupya utalaya ni ntete lyonsi lino azanzi yaliza.
Umu nsita ya mazanzo, aliwe akansunga umu mutanda wakwe. Aliwe akamfisa umu Ng'anda yakwe ikulu nu kuntongamika apapelapela ya ciliwe.
