17 Nkukuta kunuli, we Yawe, utaleka insonyi zindeme. Lelo leka insonyi zileme yao aipe, yatelemukile cimyamya kuzimo!
Lelo we Yawe, wemo waya ku lusansa lwane, nupya wewe ilamba lyamaka, na yayo akuncuzya yamapempezyokanga yaposiwa. Yene yalaposiwa mpaka yazewane pee, pamulandu wakuti yalaposiwa kufikilizya cino yakasi. Ukupupana kwao kutalatala kwililike, awe.
Afwe yatange yalumbanye Yawe foo. Yalala yaya uku mpanga uku myalale cele.
Yano yakasansamukila api syamo lyane, kayaye ni nsonyi uleke na mano yao nayo yayapele. Aikala kwati yanduta, leka insonyi ziyaleme, yazewane nu kuzewana!
Wiyo wensi akatumpwila amanso kunoli, akasansamuka ni nsonyi zitange zimuleme foo.
Umwene akana ukungazwa, ngano napita mpiti uku nsi imyalale.
Umusanya onsi, nemo namalandanga apa usuma wako, pano yayo akalonda ukuncita cimwi, wemo wayacimvya nu kuyalenga insonyi.
Leka yayo akalonda ukunkoma yazewane, ni nsonyi ziyaleme? Na yayo akampingila nayo amano yayapele, yaswilile cundansizi!
“Aliwe akacingilila antu yano yakamuyela lelo antu akacita ukakasi yene akayasunkilizya mu kanda. Pano umuntu atangacimvya ku maka yakwe wenga.
Aingi muli yayo afwa mpiti yalazyukuka: yamwi uku umi wa pee, yamwi nayo ku kupupana kwa pee.
Nazina kunuli we Yawe, ni nsonyi zitakundema foo. Untuule pano wewe wa ulungi.
Anisi yane yonsi kayuvwe insonyi, yapelelwe na mano. Yalutonye, ni nsonyi ziyalemu.
We Yawe, wazanzya umwenzo wane, ukuluta na pali yano yakwatisya ingano na waini umupya.
We Yawe Leza Wamaka yonsi, uzye kwene icipyu ica kukana nu kuvwa uku mapepo ya antu yako cilapelela?
Awewe walemwile umutingi umu Eguputo wiza wazinga imitundu umu mpanga yao, amuno wiza waulema.
