10 Amalanda yatiyalenga umi wane ukupomponteka, nu kulosya kwati kwipimpazya imyaka yane. Natintemboka pamulandu na malanda, nga namafupa yane nayo yatiyasokonteka.
Ukutandikila uku wance wane, nemo pasi pakucuula, nkupita icipapala mfwa. Muno nkalukuzizimizya pamulandu nu uvunuko wako, ninsuka nintonta, lwatilusila.
Pamulandu sile wa cipyu cako, nati nsuka ndwalisya umwili wane onsi pyu, pasi pakulwala pamulandu wa kwifya kwane.
mwenzo wane ukunyunguluka nupya ndi nu ulanda ukulu cuze pamulandu wa inane, antu amu luko lwane.
Nawe fwandi ali pakufomolola umi wao wa mupu ni myaka yao ali pakuisinsola, uku mazyamo.
Ukakalipila umuntu umukumusinkola apa uyi wakwe, alino nupya ukasyunola vyonsi vino wakwata wa kazizi. Acino fwandi, umuntu wensi pano wapeela waya sile wa cipunga camuza.
Uzye namazizimizya amasakamiko ukufika lilaci? Uzye indinzile ukwikala nu ulanda umu mwenzo usiku nu musanya? Uzye umwanisi wane nawe alata lilaci ukuncimvya?
Pasi pano nemo nkulosya mucifulo ca kulya, nu kunyunguluka kwane kukapongoloka wa manzi.
Utantazyela pa musango wakuti natinkota. Utansumba pa musango wakuti lyene natinsila.
Fumini panondi, mwensi mwe yakacita ya viipe! Yawe watanguvwa kuno nkumulilila.
We Yawe, si angala uvwe ukupunda kwane! Ya na mizu kunondi nu kungasuka!
