8 Ukukululwa kukafuma sile kuli Yawe, upolelelo wako ungala uye apa antu yako.
Nene indi Yawe, nga kutaya Katuula namuze alusile nene.
Lelo nemo namapela impolelwa kunuli apa kukutaizya umu nyimbo. Ndafikilizya vino nalaya nu mulapo. Ufyusi ukafuma kunuli we Yawe.”
Yawe wavwanga wati, “Nene indi Yawe Leza winu wiyo uwamutungulwile ukufuma mu Eguputo. Mutaya na Leza muze suka sile nene. Nene ndi Katuula winu, nenga mpo.
Lyene yapunda ni zwi likulu yati, “Ufyusi ukafuma kuli Leza witu, wino uwikala pa cilimba ca wene, nga nu ku Mwana wa mfwele!”
Lekini tutaizye Leza nupya Isi wa Mwene witu Yesu Klistu! Pano muli Klistu amuno wene watupolelela pa kutupela upolelelo onsi uwa mupasi kufuma mwiyulu.
Kusi umuntu nanti wenga muno antu yangazana ufyusi, pano muno nsi yonsi kusi zina na lyuze lino Leza wapela kunotuli lyakuti tutuulilwemo.”
Umuntu angateyanya mfwalasi yakuya lwisizyako inkondo, lelo Yawe wenga mpo aliwe akapeela ucimvyo.
Caleka Leza wasolwile muomvi wakwe nu kumutuma kuli mwemwe nkolelo, ku kwiza mupolelela mu kulenga cila muntu afume ku misango yakwe iipe.”
Antu yangala yateezya yamwilila, nu lulumbi lwakwe lwalu kuyelelela wi lanzi. Antu ya mitundu nayo kayalumba umwene wa mpanga yao, yapapata na Leza ukuti ayapolelele, ndi vino wapolelile umwene wa mpanga yao.
Cumi kwene ivintu vino vikacitika apapela ya twamba pamwi ni viila ivyayapo vyene ivyaufi utupu tupu. Yawe Leza witu mpo, ali kazwa witu swe ina Izlaeli.
Pacisila cakwe vii nuvwile cimwi cino cuvwikike kwati ciunda ci umba likulu lya antu mwiyulu, yakuti, “Aleluya! Ufyusi, lulumbi, na maka ivyakwe Leza witu!
Yawe aliwe akapeela antu yakwe amaka, nupya akapolelela antu yakwe upolelelo wa longo.
Mutawezezyanya viipe nanti ntipu. Lelo ndi umwi wamucitila ciipe, mwemo mumupolelele. Pano kupolelelwa akuno Leza wamulavile lino wamusolwile.
Wene wavwanzile ati, “Nakulaya ukuti ndakupolelela nu kukupeela ana aingi.”
Lyonsi lino yatenuka ni Mbokosi ya Upangano, Mose wavwanganga ati, “Si ungala ukatuke we Yawe usaasye anisi yako, na wensi uwakusoka asimule kutaluka kunuli.”
lelo Syama azyansya umu calo cici, acicingilila, nga akoma aina Filisti. Uwanda ulya Yawe acimvya apakalamba.
We Yawe, sileka intete ziyaleme, uleke ainamasi yamanye ukuti yene antu asilesile.
Sangala undole luseluse ne muzya wako. Untuule umu kutemwa kwako ukwa pe.
Leka yakonkoloke sile wakwe mulamba, yalyatolwe wi sote lya mwikula.
Nene wakwako, ungala untuule! Nezya ukulondela amasunde yako.
