7 We Yawe, katuka! Nduntuule we Leza wane! Pano ukauma anisi yane umu nzekete. Ukatembola antu aipe.
Yakwikole amino we Leza, utamole ni vifulo vyakwe yacisama akali yayo, we Yawe!
Uwaluvyanya wene namutamanga umu nzekete, mpaka aswa navino avwasile. Fwandi natulanyanga yano yafyengwa.
Antu yonsi yatiyanjasamwila utunwa twao. Yakundizizya nu kumpamola amapi apa manso.
Katuka sile we Yawe Leza Wamaka yonsi, wize untuuleko. Si ilolele wenga na manso yako we Leza wa ina Izlaeli! Si zyuka pakuti ufulule ya mwizilila yaa. Utezya uyayele uluse nanti panono yacisanguka ya antu.
Katuka, we Yawe, uvunuke antu yaya aipe! Iusya yayo akucululuka!
Katuka fwandi zyuka we Yawe Leza witu! Ndanga utwazwe kweneko, utupususye uku maka yako. Kalambana ndi vino wacisile uku myaka yampiti mpiti. Uzye asi wewe kwene wasandozile icilyanyi ci Laabu tupimfya tupimfya?
Katuka, we Yawe, ni cipyu cako. Nkuti katuka we Leza wane! Lwisya ukali wa anisi yane, pano wemo ulungi auno ukalonda kuti yacite.
Senukila kunondi We Yawe, nduntuule. Pano wantemwa, ndunkulule ku mfwa.
Nanti tungapumwa uli tutukwe ni ntusi, tulinzile twavipokelela sile.
lilyo lino we Leza wimilile uku kupingula antu, kuti upususye yayo yonsi akazunyiwa pano nsi.
Icani fwandi cino ukukanila ukutupokolola? Wanyongela ni nsingo kuze!
Sizyuka, we Yawe! Icani fwandi cino walalila utulo? Katuka! Utatutazyela.
Vwandamuka Mwene, kanzana, katuka we Leza wane, umvwangileko.
Pamulandu wakuzunya alanda, Yawe nawe wavwanga wati, “Namakatuka, intuule nu mulanda akufyengwa, nu mupina akuilizyanya. Namapususya yayo akapunda kunondi!”
Kalanda ku muntu wino akanena umuti ati, ‘Zyuka!’ Nanti iciliwe ati, ‘Katuka!’ Uzye akaluwi nako kangamunena icakucita? Nanti angala antu yangakapomela siluva na zaabu, lelo musi umi muno kali.
Ulwi iulunduluka monsi kwene ukunzi ya musumba, nga antu aingi iyafwa mu mutengo ukuluta yano akomilwe mu ulwi.
Nanti sile iumba lya vita lyankatukila, nemo ntange nuvwe ni ntete. Nanti sile anisi yane yanzanza, nemo indataila sile muli Leza.
