2 Pelini Yawe umucinzi, ulingine ni zina lyakwe, cindikini Yawe umwi sano lyakwe ilyamuzilo.
Antu yako yalaipelesya, apa wanda uno wemo ulalwisya anisi yako. Ucindami wa wene, waukwasile lilya kwene lino wavilwe ala watuyemviwa nu kuyemviwa. Ali cino fwandi wemo, ukutandikila sile uku unya wako, waya nu wene wa pa mwamba wamuzilo.
Pano we Yawe, wewe Wapapelapela pano nsi yonsi, Wewe mukulu ukuluta tuleza tonsi.
Nalenga icintu conga kuli Yawe cico sile cino nkalonda icakuti ningaikala, umu Ng'anda yakwe Yawe, amanda sile yonsi aumi wane, nu kulasyukila usuma wakwe Yawe, alino nu kuleka aliwe sile ampanda amano umu Ng'anda yakwe.
Lino yatandika ukuuzyanya pakasi kao, alino yasozile yamwi akwimbila nu kulumbanya Yawe, yene ala yatiyazwala ivitiswe, na yakatungulula ala yakuvwanga yati, “Lumbanyini Yawe, pano ulukundo lwakwe lusisila, lelo ulwa manda pe.”
We Mwene Leza witu, sungala uwatupolelela! Tupeele ukucimvya muli vyonsi vino tukacita. Icacumi sileka tuye nu longo muli vyonsi vino tukacita!
Ululumbi nu luswepo vyamulilizya, na maka nu kuyemba vyaya mu Ng'anda yakwe.
Mwacindika Yawe Leza winu lino atacili waleta akalanda. Lino mwemo mutacili mutandike ukuipumola uku myamba pamulandu ni mfinzi. Lino uluswepo luno mwemo mukalolela atacili walusangula luye imfinzi.
