Masamu 27:6 - Amazwi Yakwe Leza 2013

⁶ Lyene nati ntumpula nu mutwe apapelapela ya anisi yane, yayo ati yanzinguluka, lyene nemo inkutokowalika sile insingo apapela nu kupunda nu luzango apa kutuula impolelwa umwi sano lyakwe. Alino nu kwimbililila Yawe inyimbo zya kumulumbanya!

Masamu 27:6 交叉參考

Masamu 3:3

Lelo we Yawe, wewe cisyangu cane. Wewe uli ucindami wane, wewe ukampamya.

Ayebulai 13:15

Lyene muli Yesu amuno lyonsi tulumbanyizizye Leza. Nupya lekini cii ciye wa kupeela impolelwa kunoli, ino tungati uli wila uno ukapelwa pa milomo ino ikamwama ukuti Mwene.

Masamu 107:22

Kayamocela impolelwa yaku muwanzya nu kumwimbila ni nsansa apa kutaka vyonsi vino wacita!

Ezaya 12:6

Pundisyini nu kwimbila ni nsansa, mwe antu aku Zioni, pano Wamuzilo wilya waku Izlaeli wene umukulu pakasi kinu.”

2 Samueli 22:49

nu kuntuula ku anisi yane. We Yawe ukampeela ucimvyo pa anisi yane nu kuncingilila ku antu yalwete.

Umbwilo 15:3

nupya ala yakwimba lwimbo lwakwe Mose, muomvi wakwe, nga nu lwimbo lwa Mwana wa Mfwele, yati, “We Mwene Leza wa maka yonsi, milimo yako iikulu, nupya iyakuzunguka! We kateeka wa nko zyonsi, miyele yako iya ololoke nupya iya cumi!

Zakaliya 9:9

Sansamukini sile mwe ikazi amu Zioni! Umilini tupundu mwe ina Izlaeli! Lolini umwene winu awilya akwiza kuno muli! Wiza yakumucinila isoonga, pano watacimvya, lelo kwene wataicefya akuipitila pali punda, nawe indama mwana punda.

Yelemiya 33:11

utupundu twa nsansa nu twa luzango. Muluvwika na mazwi yakwe nawinga na siwinga. Lino antu yalaleta amawila akutaizya uku ng'anda yane, amazwi yao yalauvwika lino yakwimba ala yakuti, ‘Taizini Yawe Wamaka Yonsi, pano wene umusuma, nu luse lwakwe ulwa manda pe.’ Pasi pano impanga kwene ii nemo ndailetela isyuko ndi vino nacisile apa mpiti. Ica cumi, anene ne Yawe navwanga.”

Umbwilo 5:9

Yene imvile lwimbo lupya yati, “Wemo wazipilwa kutoola lupapulo nu kulematula vimanyililo vyakwelo. Pano wemo wakomilwe, nupya mu mfwa yako amuno wakalile Leza antu kufuma mu mitundu, ni ndimi, ni nko, nga ni misango ya antu yonsi.

1 Petulo 2:5

Wa mawe ya umi, lekini Leza amuomvye mu kukuula ng'anda ikulu yakwe. Mukwene amuno mulatumikila wakwe yasimapepo amuzilo mukupeela impolelwa zyamuzilo izingazumiliziwa kuli Leza muli Yesu Klistu.

Masamu 95:1

Izini tuzangile Yawe, katuzangile Ciliwe citu icikatupususya.

2 Samueli 7:9

Nayanga nawe konsi sile kuno wapitanga. Nacimvyanga na anisi yako yonsi. Ndakucindamika ukulingana na antu acindamisye apano nsi.

Yelemiya 31:7

Pano Yawe wavwanga wati, “Imbilini Yakobo nu luzango, mumilini tupundu twa nsansa. Zangilini ntunguluzi ya mitundu. Pongomokini, lumbanyini, mupunde muti, ‘Yawe watakulula antu yakwe, impondo zyakwe Izlaeli.’

Masamu 138:5

Si kayalukulumbanya inzila zyakwe Yawe, pano ululumbi lwakwe Yawe ulukulu.

Masamu 110:7

Umwene alamwa muluzi lwa mukuku, umu mbali ya nzila, ali cino alacimvizya.

Masamu 81:1

Lumbanyini Leza impalume itu, imbilini Leza wakwe Yakobo.

Masamu 47:1

Komelini amakufi mwe antu ya mitundu yonsi! Sanzulini amazwi apa kwimbila Leza ni nsansa!

Masamu 21:13

Twakulumbanya we Yawe, katuka na maka yako! Tulaimba nu kulumbanya amaka yako.

Masamu 21:1

We Yawe, ala umwene watasansamuka, pano wemo wamupeela amaka ya kucimvya. Wene akuzanga pano wemo wamupeela ucimvyo.

1 Milandu 22:18

Ayanena ati, “Yawe Leza winu ali namwe, nga amamupeela umutende uku mbali zyonsi. Wene wampile ucimvyo apa antu yonsi aikalanga umu mpanga ii, nga ndakai antu yayo yakutumikila mwemwe na Yawe kwene.

2 Yamwene 25:27

Mu mwaka uwalenga amakumi yatatu na cinimbali ukufuma pano Yeoyakini umwene waku Yuda wasenzilwe umu uzya, uli mwaka uno Evili Melodaki yamulasike apa wene waku Babiloni. Wene wizile akwatila Yeoyakini amizu, nu kumufumya mu ng'anda yaminyololo. Nu wanda uno wene wamufumizye mu ng'anda yaminyololo, uli wanda uwalenga amakumi yaili na cinimbali, umu mwezi uwalenga ikumi na iili, umu mwaka kwene ulya.

2 Samueli 22:1

Lino Yawe watuula Davidi kuli Saulo na anisi yakwe yauze, Davidi aimbila Yawe ulwimbo luu:

Utandiko 40:13

Mu manda yatatu Falao ale wakufumya nu kukwelela mulandu wako, akuswilizye na pa ncito yako. Uli nu kuya pelanga Falao ulwako lwakwe waini ndi vino wacitanga lino wali katumikila wa lwako lwakwe waini.

Utandiko 40:20

Lyene uwanda uwalenga yatatu wali wanda uwa kuvyalwa kwakwe Falao. Falao wacitile aomvi yakwe yonsi icimulo. Alino afumya nu kwelela mukulu wakwe yakatumikila ya lwako lwakwe waini nu mukulu wakwe yakapanga ya mikate kwisano, ayalanga ku manso ya ntunguluzi zyakwe.

Masamu 3:4

Nalaizya kuli Yawe ni izwi ilisanzuke, nawe wanjasuka pa mwamba wakwe uwamuzilo.

Masamu 57:8

Kulukunta we mwenzo wane! Zumbika we ngoma yane ni cinanda cane! Namakatuka pa macaca!

Masamu 119:108

We Yawe, pokelela ipepo lyane ilyakukutaizya, nupya unsambilizye amalamulo yako.