5 Umu nsita ya mazanzo, aliwe akansunga umu mutanda wakwe. Aliwe akamfisa umu Ng'anda yakwe ikulu nu kuntongamika apapelapela ya ciliwe.
Izina lyakwe Yawe ulupungu ulukome. Umuntu akacita vyaololoke akautukilamo nu kucingililwa.
Ukayasungilila kunuli, nu kuyacingilila uku mapange aipe a antu. Ukayasunga umwi cele lyako, nu kuyafuntusya uku ntusi zya anisi yao.
Nanti amacuzi yamvulile uli, lelo we Yawe ukansakamala, na anisi yane yayo anzunya ukuyatumbila inkansi, mpaka sile umpususya.
Wiyo uwaya ku kuzina kuli Leza wapapelapela, umu mapa ya cisao cakwe Umweneco Wamaka yonsi,
Wewe uli ncende yane yakuzinamo ni cisyangu cane, nupya nemo nkapaalila umu ulayo wako.
Mwemo mwandaizya sile ndi mwazanzwa na malanda. Nemo namamutasyanga, namwe mumandumbanyanga.
Wamfumya mu ciwina icitaiipila, umu matipa umu lutikiti! Anteeka apa ciliwe apapela, pano nasonkomala.
Pano mwemo mwafwile, icikusenula ukuti umi winu wafiswa pamwi na Klistu muli Leza.
Unsunge wakwe vino ungacingilila nyinalinso uwi linso lyako, umfise mu cisao ca mapa yako,
A Leza ali wino swemo tukazina munoli. Nupya ali wino akatupeela na maka, akatwazwa lyonsi sile lino tukaya umu ucuzi.
Mwe antu yane aleni ingilini mu ng'anda inu, muyale ni visasa. Mufisame apa kasita kanono cisuke icipyu cakwe Leza cisile.
Lino yene yalandaizya nemo ndayasuka, lino yaponelwa namalanda nemo namayanga nayo. Namayataasyanga nu kuyacindamika.
Undole luse luse we Leza, undole luse luse, pano niza nazina kunuli. Umu cisao ca mapa yako, amuno nkuuwa, ukufika sile na lino uzanzo wane ulasililikila.
Nayo yalaya kwati ali yakucingilila antu uku muza. Kwati ali yano yalapusukilako uku cipunga caku ufumondaka. Yalaya wa tunguzi twa manzi utwaya mu lwanga, ungati ali cisao ca mulunda umu mpanga yumalale.
Nemo napelelwa, kunondi nu kumwitu kwatalimpa, awewe sile nalaizya! Ntwale sile kumwitu ukwakuti ningikalilila.
Akapepusya ingazo zyane, izyangupala ungati izya nswela iyakaci. Akanteeka apasanzuke, pakuti ntapona.
Yene yakupanga umu umfisolo ivyakucitila antu yako. Yatiyumana akapi apa kupingila antu yano wemo.
Umu nsita ya macuzi nemo nkapapata Umwene. Usiku onsi nkakatusya makasa yane nu kupepa aliwe kwene, lelo umwenzo wane usi myalalikwa foo.
We Yawe, wapezya antu yako, alino umu ulanda wao ali pakupapata kunuli.
We Yawe, uzye pacani cino uyelile kutali naswe? Uzye pacani cino waifisa apa nsita ino tuli umu ntazi?
“Mwe antu amu Yelusalemu, Yelusalemu! Mwakoma yakasema nu kutama na mawe inkombe zino Leza watuma kunomuli. Amaila yanga yano nalondanga kumufukatila, wakwe vino nyinankoko akafukatila ana mu maapa yakwe, lelo mutanzumilizya!
Yoasyi wasunzilwe mu Ng'anda ikulu yakwe Leza umu mwata kwene wa kufisamafisama pa myaka mutanda lino Ataliya acili akuteeka impanga ilya.
Lumbanyini Yawe! Pano wene wandanga uluse lwakwe ulwa kuzunguka lilyo lino anisi yanzingulwike nu kunzanza.
Ali pakunsambilizya ulwimbo lupya, ulwakulumbanya Leza witu. Antu avule apakulola cico, yalaya ni coopo, nga yataile muli Yawe.
Pano awewe sile ukantuula, wewe uli maka yane yano yakancingilila nu ku anisi.
