Masamu 27:4 - Amazwi Yakwe Leza 2013

⁴ Nalenga icintu conga kuli Yawe cico sile cino nkalonda icakuti ningaikala, umu Ng'anda yakwe Yawe, amanda sile yonsi aumi wane, nu kulasyukila usuma wakwe Yawe, alino nu kuleka aliwe sile ampanda amano umu Ng'anda yakwe.

Masamu 27:4 交叉參考

Masamu 26:8

We Yawe, nemo natemwa ukwikala umu ng'anda yako, umu cifulo cako umwazula ucindami wako.

Masamu 23:6

Icumi kwene usuma wako nu kutemwa kwako, vyaya pali nene amanda yonsi aumi wane. Ni sano lyako we Yawe, uli wikalo wane umu umi wane onsi.

Masamu 65:4

Alongo antu yano wemo wasolola, apakuti yangaikala umwi sano lyako ilyamuzilo! Tumasekelanga apa vintu ivizipe ivyaya umwako, apa upolelelo uwaya mung'anda yako yamuzilo!

Masamu 84:4

Alongo antu yano yikala umu ng'anda yako, akakulumbanya insita yonsi.

Masamu 84:10

Ukwikala wanda onga umwi sano lyako kwaluta amanda izimbi lyonga ukwikala kuze. Nupya ukwikala pa mulyango wa ng'anda yako we Leza, kwazipisya penepo ukucila ukwikala umu mang'anda ya antu aipe.

Luka 10:42

Lelo cikulondekwa sile cili conga. Maliya watasolola icintu campomvu, nupya citalapokwa kunoli.”

Masamu 27:8

Watulaizya kunondi uti, “Ndanga kunondi.” Ee we Yawe, fwandi ali cino niza.

Mateo 6:33

Mu cifulo cakwe cii mutale mulonde Uwene wakwe Leza nga nu wololoke wakwe, nga nawe alamupeela vintu vii vyonsi.

Yelemiya 29:13

Lino mwandonda mulanzana, cikulu sile mwandonda ni myenzo inu yonsi.

Filipi 3:13

Mwe yacuza, nemo ntakwelenganya ukuti nafikilizya cikongwani mpiti. Lelo cintu conga cino nkacita ukwilila vya cisila nga nu kwika mwenzo onsi ku vya nkolelo.

Ayebulai 11:6

Kusi umwi angazanzya Leza kwaula kukwata utailo. Pano wino wensi akaiza kuli Leza alinzile ataile ukuti Leza akuno waya nupya akalambula yao akamulondalonda.

Masamu 90:17

We Mwene Leza witu, sungala uwatupolelela! Tupeele ukucimvya muli vyonsi vino tukacita. Icacumi sileka tuye nu longo muli vyonsi vino tukacita!

2 Kolinto 3:18

Caleka mausyu itu yatavimbwa. Yakalanga kuyengesa kwa lulumbi lwa Mwene akatulenga kukolana nawe ndi vino cinso ca muntu cikaloleka mwi galasi. Mwene ali Mupasi akatusenula kuti tukolane nawe nu kuya nawe mu lulumbi.

Luka 2:37

Wene wali a mukamfwilwa uwa myaka makumi cinani na ini. Atatazile ataawe kuya ku Ng'anda ikulu yakwe Leza nupya watemilwe kutumikila Leza, nupya lili lingi pa kupepa Leza wapitanga kwaula kulya musanya nu usiku.

Danieli 9:3

Acino napefile ku Mwene Leza, ala nkupapata kunoli, nu kuizilizya, nu kuzwala vizwalo vya ndosya, nu kwikala umwi twi.

Masamu 50:2

Ukufuma uku Zioni, wawala nu usuma umwi uwacipezya mano.

Luka 18:1

Lyene Yesu aumila alondezi yakwe mulumbe, kuti ayasambilizye vino yalinzile kupepa nsita zyonsi kwaula kunenuka.

2 Kolinto 4:6

Calembwa mu malembelo cati, “Leza watile kuye luswepo, luyako.” Luswepo luyengesa mu mfinzi. Lyene ndakai Leza kwene wiyo akuyengesa mu myenzo itu kuti antu yamanye vino lulumbi lwakwe lukaloleka muli Yesu Klistu.

Luka 13:24

“Lwisini kwingilila pa mulyango ufyenkane. Pano namunena vino antu aingi yalalonda kwingila, lelo yalaposiwa.

1 Timoti 5:5

Mukamfwilwa wino uwaikalila, nupya atakwata umwi uwakumusunga, wene wika upaalilo wakwe muli Leza nupya akapepa usiku nu musanya kuti Leza amwazwa.

Zakaliya 9:9

Sansamukini sile mwe ikazi amu Zioni! Umilini tupundu mwe ina Izlaeli! Lolini umwene winu awilya akwiza kuno muli! Wiza yakumucinila isoonga, pano watacimvya, lelo kwene wataicefya akuipitila pali punda, nawe indama mwana punda.

Masamu 26:6

We Yawe, nkafulala uku minwe apakulanga ukuti nene uwakaele nga inkupepa apa kuzinguluka kavuwa kako.

2 Samueli 21:1

Lino Davidi wateekanga, kwali icipowe icikulu icasenzile imyaka itatu iyalondekine. Acino Davidi auzya Yawe kuti amupanzye amano pali cii, nga nawe amwaasuka ati, “Saulo na aluko lwakwe yali nu mulandu wa utazi wa katwe. Wene wakoma aina Gibyoni.”

1 Samueli 1:11

Hana alapa nu mulapo, ala akuti, “Iye we Yawe Wamaka yonsi, ndi cakuti walolekesya pa ulanda wane ne muzya wako, wanguvwila inkumbu, utanjilile ne muomvi wako lelo wampeela sile umwana umonsi, nani ala ndamupeela sile kunuli we Yawe pa manda yonsi yano alikala pano nsi, nu ku mutwe wakwe kutalatala kupelwe inyele.”

1 Samueli 30:8

Davidi auzya Yawe ati, “Uzye incocovye azanzi yaa? Uzye namaya nkayazane?” Yawe nawe amwaasuka ati, “Yacocovye, nga umaya ukayazane nu kupokolola antu yonsi pyu.”

1 Samueli 22:10

Aimeleki nawe auzya Yawe vino Davidi alinzile ukucita. Alino lyene amulongelezya impao nu lupanga lwakwe Golyati umwina Filisti.”