Masamu 27:13 - Amazwi Yakwe Leza 2013

¹³ Ukuya kwene nemo nazumila ukuti ndikala pano nsi, mpaka sile ince ndole usuma wako we Yawe.

Masamu 27:13 交叉參考

Masamu 142:5

Nkukwama wewe, we Yawe, inkuti, “Wewe uli cele lyane, wewe Cuma cane muno nsi ya umi.

2 Kolinto 4:16

Swemo tusyanenuka. Mili itu ikucucuka, lelo sweisikulu tukukomeleziwa mu myenzo cila wanda.

Masamu 56:3

Lino intete zyandema, awewe sile wenga we muno nkataila, Leza mukulu.

Masamu 31:19

Iye mwe, we Yawe vino usuma wako wakula, uno ukacitila yayo akukwatila icoopo! Ala kwene icakuzunguka uku muntu ali wensi, apakulola vino wemo ukacitila yao akutaila, yano yakaiza umu kuzina kunuli.

Masamu 56:13

pano watumpususya ku mfwa, utalesile kuti yancimvye foo. Ali cino fwandi nemo inkaipitila na pa manso yako, umu luswepo ulukakozezya aumi.

Masamu 42:5

Icani fwandi cino nati nkungumalila? Icani cino nemo nati nsakamalila vii? Awe cumi, nemo nkanataila sile Leza, pano nemo awino namalumbanyanga ndi vino nacitanga mpiti, pano ali katula wane na Leza wane.

2 Kolinto 4:1

Leza mu mizu yakwe watupela mulimo uu kuti twaomba. Acino tusyatonta.

Yobo 28:13

Kutatala kwaya umuntu uwamanya inzila iyakuila ukwaya amano. Nupya umuntu atange ayafumye umu mpanga ya pano, iya antu apuma foo.

Efeso 2:8

Pano mwatuuzilwe ni cikuku cakwe Leza lino mwataile.

Yelemiya 11:19

Nemo natontelile wa kana ka mfwele kano yakutwala ku kufyula. Nemo ntamanyile ukuti anene yakupangila ukuncita cimwi ala yakuti, “Mwe, lekini tukome Yelemiya, tumusinde wa cimuti cino cafikila apa nsita ya kulemba. Katumukome pakuti kutaca kuye nanti umwi uwa kumwiusya nupya.”

Ezekelo 26:20

alino ndakusumba kuzimo ukwaya antu yampiti. Ndakusontelela apakwikala mu mpanga ya pansi mu musili, mu lwanga lwa pee, kumwi na aya kuzimo, ali pakuti utakatale uwele nu kwikala pano apa mpanga ya apuma.

Ezaya 38:19

Apuma nupya aumi sile, ali yano yakakulumbanya, wakwe vikwene vino nemo nkucita ilelo. Akwasi ali yano yakalandila ana yao, ndi vino wemo waya uwa cumi.

Yobo 33:30

Apakuyapususya ku mfwa, nu kuleka yakwate insansa mu wikazi wao.

Ezaya 38:11

Nemo natangi ntalatala indole nupya Yawe. Muno mpanga ya apuma, ntalatala ndolemo umuntu muno nsi.

Masamu 52:5

Endi mwandi, Leza alakufyatila alakufyambata, amanda yalakuzana, uluulilwa nu mwakwikala. Wene alakutenula nu kukufumya muno nsi ya umi.

Masamu 142:6

Ungala sile uvwe ukupapata kwane, ulanda wati ukulisya, untuule kweneko kuli yao akuncuzya pano yatiyandusya amaka.