Masamu 27:1 - Amazwi Yakwe Leza 2013

¹ Yawe ali luswepo lwane na katuula wane, kusi cino ningoopa. Yawe akantuula kuli vyonsi ivya uzanzo, fwandi kusi wino ningoopa.

Masamu 27:1 交叉參考

Ayebulai 13:6

Lyene lekini tuvwange nu kupama, tuti, “Mwene ali kazwa wane, ntaloopa cimwi. Uzye icani cino umuntu angancita?”

Masamu 118:6

Nemo twaya pamwi na Yawe ni ntete ntakwata foo. Icani fwandi cino umuntu angancita nene?

Kufuma 15:2

Yawe akalenga kuti inje na maka, ali wino wampususya ku anisi yane. Wene ali Leza wane, wino namalumbanyanga, Leza wino tata wapepanga, nupya namamucindikanga.

2 Kolinto 12:9

Lelo wene waswike ati, “Cikuku cane sile icikulondekwa kunuli. Pano maka yane yakaombesya lilyo lino watonta.” Acino Klistu ndi watwalilila kumpela maka yakwe, lyene nakulaitumika pa utonte wane.

Masamu 84:11

Pano wemo we Yawe Leza, awewe tukazina mwenemo nupya wewe uli kavwangila witu. Watukwatila inkumbu nu kucindamika, ukatucindamika. We Yawe, usitwima ivisuma sweswe swe antu yako, swe ya miyele isuma.

Loma 8:31

Uzye tumati uli pa vintu vii? Ndi Leza ali naswe, aweni amatucimvya?

Yoane 8:12

Nupya Yesu anena Afaliseo ati, “Nemo nene luswepo lwa antu amu nsi. Wino wensi wandondela, wene atalapita mu mfinzi lelo alaya nu luswepo lukatungulula ku umi.”

Ezaya 12:2

Cumi kwene Leza ali ufyusi wane. Nkutaila lyene apaula ukoopa, pano Yawe ali maka yane, nu lwimbo lwane, nu ufyusi wane.”

Ezaya 61:10

Iye mwe, Yelusalemu wane! Siangala nalukuzangila muli Yawe nu luzango. Umwenzo wane kawalu kuzangila muli Leza. Pano nemo watanzwika icakuzwala cakulanga ukuti nimpusuka. Watanzwika ilaya lyakulanga ukuti natincimvya. Eya, lyene nemo ndi wakwe nawinga wino azwite candaluwa!

Masamu 62:6

Wenga mpo, ali ciliwe cane nu ufyusi wane. Ali muno nkazina, intalatala ntelengane.

Masamu 18:28

We Yawe, awewe ukakozya uluswepo lwa umi wane. Leza wane we muno ukankozezya umu kanda.

Yobo 29:3

Leza wali nani lyonsi nu kunkozezya, ali wino wankozezyanga uluswepo lino nkupita umukanda.

Filipi 4:13

Klistu wampeela maka akulungatana ni miyele ili yonsi.

Masamu 118:21

Ala nemo nkukuwanzya we Yawe, pano ukuntezya, nupya awewe ukampususyako.

Masamu 19:14

Sungala upokelele amazwi yapa kanwa kane, na melenganyo amu mwenzo wane. We Yawe, we ciliwe cane na katuula wane!

Umbwilo 21:23

Kuwala kwi lanzi nu mwezi kusyalondekwa mu musumba ukulu, pano lulumbi lwakwe Leza lukayengesa mwenemo, nga nu Mwana wa Mfwele ali lampi lyauko.

Masamu 62:2

Wenga sile, aliwe akampokolola, nupya ali cilwala wane nu ufyusi wane. Ali muno nkazina, fwandi nemo, ntalatala intelengane.

Malaki 4:2

Lelo mwemo mwe muno mukanjela, amaka yane akutuula yaliza pano muli wa kutunka kwi lanzi, nu kuleta ukupoziwa kwa micalalazi yi lanzi. “Namwe mulacena wa twana twa ng'ombe tuno yayulila kuti tufume mu citata.

Ezaya 2:5

Mwe amu mupanda wakwe Yakobo, si izini twapita umu luswepo luno Yawe watupeela.

Masamu 18:46

Yawe umumi. Lumbanyini Ciliwe cane! Landini ukulu wakwe Leza wino akantuula.

Umbwilo 22:5

Kutalaya usiku nupya yatalalonda inyali nanti luswepo lwi lanzi, pano Mwene Leza alaya luswepo kunoyali. Yene yalateeka manda pe.

Yoane 1:9

luswepo lwa cumi lukakozya muno nsi pa antu onsi.

Umbwilo 7:10

Lyene yapunda ni zwi likulu yati, “Ufyusi ukafuma kuli Leza witu, wino uwikala pa cilimba ca wene, nga nu ku Mwana wa mfwele!”

Luka 2:30

Nindola na manso yane ufyusi wako,

Masamu 11:1

Nutukila kuli Yawe. Kuno icani cino mukunena imuti, “Papukila uku mwamba wa cunyi?

Masamu 3:8

Ukukululwa kukafuma sile kuli Yawe, upolelelo wako ungala uye apa antu yako.

Luka 3:6

Na antu yonsi yalalola ufyusi wakwe Leza.’”

Mateo 8:26

Yesu ayanena ati, “Mwe ya utailo unono! Uzye pacani muvwa intete?” Lyene Yesu akatuka, alesya cipupu na maimbi, nga kuya cele.

Ezaya 45:24

“Yene yalavwanga vyapali nene yati, ‘Uololoke na maka vikazanwa sile muli Yawe. Yonsi amupata yaliza kunoli nga yaluvwa insonyi.

Masamu 43:2

Pano awewe Leza, wewe ukancingilila. Nga fwandi icani cino ungantazyelela? Cino ningapita umukungumale icani, pamulandu sile wa anisi yane?

Malango 7:18

Mutakezye ukuyoopa. Mwiusye vino Yawe wacisile kuli Falao nu ku antu yakwe yonsi.

Malango 7:21

Acino mutaca mwaoopa antu yaa. Yawe Leza winu ali namwe. Wene a Leza wa maka wino antu yalinzile ukoopa.

Masamu 18:29

Lilyo lino wemo wangazwa inkaomola amalinga nu kuzanza anisi yane. Lilyo lino Leza wangazwa ningacimvya anisi yane.

Yelemiya 20:11

Lelo we Yawe, wemo waya ku lusansa lwane, nupya wewe ilamba lyamaka, na yayo akuncuzya yamapempezyokanga yaposiwa. Yene yalaposiwa mpaka yazewane pee, pamulandu wakuti yalaposiwa kufikilizya cino yakasi. Ukupupana kwao kutalatala kwililike, awe.