2 Muli wewe, we Leza wane, amuno nataila. Utaleka insonyi zindeme. Utaleka anisi yane yaitanka pali nene!
Pano calembwa mu malembelo cati, “Wino wensi uwamutaila wene atalacitwa insonyi.”
Ali muno ndamanyila ndi vino wantemwa umu cumi, umwanisi wane atakatale akayuvwe pali nene.
Leza we, akuli wewe akuno nemo nkazina, utaca ukatale ukaleke nuvwe insonyi.
Nu upaalilo uu usyatulenga insonyi pano Leza wapongolwela kutemwa kwakwe mu myenzo itu muli Mupasi Wamuzilo, ali wila witu kufuma kuli Leza.
Awewe vyalililanga nawe ala ukuvipususya. Vyakutailanga nga vitaicuzizye awe.
Ungala sile uvwe ukupapata kwane, ulanda wati ukulisya, untuule kweneko kuli yao akuncuzya pano yatiyandusya amaka.
Nazina kunuli we Yawe, ni nsonyi zitakundema foo. Untuule pano wewe wa ulungi.
Anene nkusunga nu kucingilila umusumba uu, apakulanga vino ne mweneco nacindama, na pa ulayo uno nalavile umuomvi wane Davidi.”
Muyuvwile mweisikulu mwenga usuma wakwe Yawe vino waya! Wasyuka wiyo akasimwilila kunoli.
We Yawe antu yano yakasumba amano kuli wewe, nu kukutaila, leka yaikala umutende.
We Yawe uzye aukwi kuno avilumba yalafika? Uzye ukusansamuka kwa yantu aipe kulapelela kwi?
Pano calembwa mu malembelo cati, “Nasolwile iwe lyamutengo cuze, lino nkwika mu Zioni liye iwe lya pitungi, na wino wensi uwataila munoli atalacitwa insonyi.”
Yamwene yalaya ali yaso akukulela. Yanamwene nayo yalaya ali yanyoko akukulela. Yalakufukamila mpaka yasimpa nu tupuma twao pansi. Yalamyantila nu lukungu ku ngazo zinu. Alino lyene ulamanya ukuti nene indi Yawe. Yayo akapaalila munondi insonyi zitalayalema awe.”
Ali cino fwandi we Leza witu tupususye kweneko ku ina Asilya, uleke antu yonsi apano nsi yasininkizye ukuti wewe wenga mpo, awewe Leza wacumi.”
Umwene akayapususya nu kuyavwa, akayatuula, pano kuli aliwe akuno yakazina.
Yawe cili ciliwe cane, nupya lili linga lyane na katuula wane. Wene ali Leza wane, nupya ciliwe cane cino nkaya uku kuzina mwenemo.
Yawe Mwene Leza wane, nazina kunuli. Ntuule kuli yonsi yano yanzunya, umpususye,
“Wataila muli Yawe, ale lyene Yawe kakutuule tuvwe! Leka wene akukulule, pano akazangila munuli.”
Leza wane, Leza wane, uzye icani cino wantazyela? Nkula nkulaizya ntulwe, lelo kusi kukalauka ukungazwa!
Mulaavwintila imyamba umupela nu muza nao ulaisenda. Icipunga naco cilaisalanganya. Lelo mwemo mulaasansamuka pano nene indi Leza winu. Mulandumbanya ne Leza Wamuzilo wakwe Izlaeli.
“Leza wako wiyo wino wemo ukutaila mwenemo utaleka akusomba sile, ndi cakuti amakunena ukuti umusumba wa Yelusalemu ntalaupoka ne mwene wa ina Asilya.
Ali cino Yawe Simwandalali akuti, “Nemo namaimba umufula mu Zioni umucumi. Alino umufula kwene uo, namaika penepo iwe lyonga ilikome, ililemvilwe penepo amazwi akuti, ‘Uwazumila atalatenkana!’
Undole luse luse we Leza pano antu yati yankatukila, anisi yane yakuncuzya pee!
Aina Izlaeli yacimviwe apa nsita ilya, lelo aikazi aku Yuda yacimvizye pamulandu wakuti yene yasintilile muli Yawe, Leza wa vikolwe vyao.
Lelo nemo inkutaila umu kutemwa kwako ukwa pe, we Yawe. Ungala uleke umwenzo wane uzangile uku wazwilizyo wako.
Teya amatwi kunondi, kalauka ungavwe! Uye Ciliwe cane ni linga lyane ilyakupusukilamo.
Umi wane onsi waya umu minwe yako. Umpususye uku minwe ya anisi yane, yakwe yayo akancuzya.
alanena Yawe ati, “Wewe uli cele lyane, muno nkauwa! Wewe Leza wane wino nataila.”
Yano yakancuzya kayazewane, lelo utaleka kuti nemo nzewane. Si leka ingofyo ziyaponele, lelo nemo utangofya. Uyaletele uononesi nu kuyavungola.
