Masamu 25:13 - Amazwi Yakwe Leza 2013

¹³ Yene yalaya nu longo lyonsi, nu luko lwao lulaikwatila impanga umwakwikala

Masamu 25:13 交叉參考

Masamu 37:11

Lelo yao aicefya yalapyana impanga nu kusyukila ulongo ulumalilike.

Mapinda 19:23

Ukoopa Yawe kukatungululula uku uumi. Ali kuno ungikuta nu kupuza ningo ukwaula kuponelwa ni ciipe nanti cimwi.

Mapinda 1:33

Lelo wiyo wensi akatezya kunondi alaya umucingililwe. Alikala cele ukwaula icakumuletela intete.”

Mateo 5:5

Alongo antu afuke. Pano yalapyana insi.

Zefaniya 3:17

Yawe Leza winu waya namwe, amaka yakwe akalenga ukuti mwacimvya. Yawe alasansamukila munomuli, nupya wene alamupeela umi upya, pasipano mwemo wamutemwa. Mwemo alamuzangila nu tupundu twa nsansa,

Milimo 2:39

Pano ulayo uno Leza walavile uli pali mwemwe na pa ana inu, na pali yano yonsi ali kutali, yano Umwene Leza witu alaama kunoli.”

Ezaya 65:23

Yatalaicuzya sile ukuomba foo, yatalavyala ana yano yangayaletelela, apamulandu wakuti yene yalaya uluko lumwi ulupolelelwe kuli Leza kumwi na ana yao kwene.

Mapinda 29:25

Ukoopa antu cili wa citeyo, Lelo ukutaila muli Yawe kukapususya.

Masamu 37:26

Insita ili yonsi akakumbusuka, nu kukongwesya antu yauze, ana yakwe yalaya apolelelwe.

1 Petulo 3:10

Cili ndi vino calembwa mu malembelo cati, “Wino wensi akalonda kuilyokezya nu umi nga nu tusita twa nsansa, wene alinzile kufuma kukulanda viipe. Nupya alinzile ate kutumpoka.

Yelemiya 32:39

Ndayapeela umwenzo uze upya, ni mipitile yuze iipya apakuti yace yangopa, nga lyonsi cice cayazipila alio kwene na ana yao aalalondelela pacisila cao.

Masamu 112:2

Ana ya muntu wiyo yalaya na maka muno nsi, nu luko lwakwe lulaya ulupolelelwe.

Masamu 69:36

Na ana ya aomvi yakwe amayanga zili mpyanyi zya mwenemo, nga na yayo amutemwa yalikala mwenemo.

2 Petulo 3:13

Lelo swemo tukalolela vino Leza watulaya, mayulu apya nga ni nsi ipya, muno mulaya kuteekwa na Leza.

Filipi 4:19

Leza wane umukama cuze, nupya muli Klistu Yesu wene alamupeela vyonsi vino muulilwa.

Zakaliya 9:17

Iye mwe vino mpanga ilya ilaloleka kuyemba! Ingano zilaleka alumendo yakula na amaka, na waini wa matingi umupya alaleka akazyana yakula ayembe

Malango 33:12

Apa mutundu wakwe Benjamini wavwanzile ati, “Uu, uli mutundu uno Yawe watemwa nu kuucingilila. Uwanda onsi akaulinda, Nupya wene akaikala pakasi kao.”

Mapinda 20:7

Umulungami, wiyo akapita umu nzila ya ukaele, ana yakwe alamulondelela pacisila yalasyuka.

Masamu 63:5

Umwenzo wane ulaikuta, ndaimbila ni nyimbo zya luzango izya kukulumbanya.

Masamu 37:29

Antu aololoke yalikala umutende umu mpanga, nu kuipyana umuyayaya.

Masamu 37:22

Yano Yawe akapolelela yalikala ningo umu nsi, lelo yao yano akatipwila yalasukulwa.

Masamu 36:8

Yene yakalya ivyakulya mpe, umu ng'anda umwako, iyikuta. Ukayamwesya nu mukaluzi ka nsansa zyako.

Masamu 31:19

Iye mwe, we Yawe vino usuma wako wakula, uno ukacitila yayo akukwatila icoopo! Ala kwene icakuzunguka uku muntu ali wensi, apakulola vino wemo ukacitila yao akutaila, yano yakaiza umu kuzina kunuli.

Masamu 37:9

Pano yayo acita cipyu yalayazinga, na yayo alataila Yawe, yalikala umutende umu mpanga.

Masamu 37:34

Taila muli Yawe, uwalondela inzila zyakwe. Alakupeela amaka akupyana impanga, ulalola nakuno antu aipe yazingwa mwenemo.