8 Uzye Umwene walulumbi kwene wiyo aweni? Wene a Yawe, uwamaka nu ulamba, Yawe wino akacimvya mu nkondo!
Lyene ndola imfwalasi itiswe. Wino uwakwezilepo walemile ulapwa, nupya yamupile ingala ya wene. Wene wapisile wakwe kacimvya kuti akacimvye.
Yawe akoline ni cita, izina lyakwe a Yawe.
Pa lupanda apano Klistu wacimvizye mipasi yankota na maka onsi. Wene walenzile kuti yonsi yalole vino wazevizye ucimvyo nu kuleka kuti yene yaye wa azya kunoli.
Yawe aliwe akateeka. Wazwala ivya ucindami, wazwala na maka. Aliwe uwatungilila insi, isi yakutelengana foo.
Ala lyene umwana watatuvyalilwa, yatiyatupeela umwana umonsi wino yatiyatwika uwene apa viye vyakwe. Yatiyamutemela izina lyakwe yati, “A Ciinda Wakuzunguka”, “Leza Wamaka yonsi”, “Umukwasi wa pee”, “Mwanangwa wa Cituku”.
Yawe Leza Wamaka yonsi, awiyo wavwanga, walaizya insi yonsi, ukutandikila sile uku ufumondaka, ukufika nu ku uwondaka.
