Masamu 24:5 - Amazwi Yakwe Leza 2013

⁵ Wiyo alapolelelwa kuli Yawe, alalambulwa kuli Leza Katuula wakwe.

Masamu 24:5 交叉參考

Filipi 3:9

nu kuilundanya cuze kunoli. Ndakai ntakweti wololoke ukaiza pa kuyela Masunde. Lelo wololoke uno nkweti ukaiza kupitila mu kuya nu utailo muli Klistu, uno ukafuma kuli Leza nupya wimikwa pa utailo.

Efeso 1:3

Lekini tutaizye Leza nupya Isi wa Mwene witu Yesu Klistu! Pano muli Klistu amuno wene watupolelela pa kutupela upolelelo onsi uwa mupasi kufuma mwiyulu.

Ezaya 46:13

Ala mwandini uwanda wakucimvya natimbupalamika. Pasikulengela foo. Nemo nsikusumba akasita foo, Apakupususya antu yane. Nemo nasya mpususye Yelusalemu, incindamike na ina Izlaeli aya mwenemo.”

1 Petulo 3:9

Mutawezezyanya viipe nanti ntipu. Lelo ndi umwi wamucitila ciipe, mwemo mumupolelele. Pano kupolelelwa akuno Leza wamulavile lino wamusolwile.

Galatiya 3:14

Klistu wacita cii kuti upolelelo uno Leza walavile kuli Abulaamu upelwe ku Akulukuwa muli Klistu Yesu. Cii cacitike kuti mu utailo tungapelwa Mupasi Wamuzilo wino Leza walavile Abulaamu.

Ezaya 12:2

Cumi kwene Leza ali ufyusi wane. Nkutaila lyene apaula ukoopa, pano Yawe ali maka yane, nu lwimbo lwane, nu ufyusi wane.”

Masamu 50:23

Wiyo akantula impolelwa ya kuntaizya, aliwe akancindika. Wiyo akanjela, ali wino ne Leza ndatuula!”

Galatiya 5:5

Lelo swemo, upaalilo witu uwakuti Leza alatucita kuya aololoke pa manso yakwe. Na cii, acino tukulolela nu kusininkizya mukuomba kwakwe Mupasi Wamuzilo mu utailo witu.

Galatiya 3:9

Abulaamu wataile nga Leza amupolelela. Caleka yonsi ataila pamwi na Abulaamu Leza alayapolelela.

2 Kolinto 5:21

Klistu atatazile aifye! Lelo Leza wamucisile wakwe kaifya pamulandu witu, kuti muli Klistu tukume ku wololole wakwe Leza.

1 Kolinto 1:30

Lelo Leza wamuleta muli Klistu Yesu, nupya Leza wasenula Klistu kuya amano itu. Kupitila munoli Leza akatucita aololoke pa manso yakwe. Muli Yesu tukaya antu amuzilo yakwe Leza, nga nu kutuulwa.

Loma 3:22

Leza akacita antu kuya aololoke pa manso yakwe kupitila mu utailo wao muli Yesu Klistu. Leza akacita vivyo ku muntu wensi wataila muli Yesu Klistu, pano Leza ataya na kasoozi.

Yoane 7:17

Wino wensi akasi kucita kulonda kwakwe Leza wene angamanya ndi cakuti vino nkusambilizya vyafuma kuli Leza nanti nkuvwanga sile vyakwane.

Ezaya 61:10

Iye mwe, Yelusalemu wane! Siangala nalukuzangila muli Yawe nu luzango. Umwenzo wane kawalu kuzangila muli Leza. Pano nemo watanzwika icakuzwala cakulanga ukuti nimpusuka. Watanzwika ilaya lyakulanga ukuti natincimvya. Eya, lyene nemo ndi wakwe nawinga wino azwite candaluwa!

Ezaya 54:17

Kuu kuli kulanda kwakwe Yawe.

Ezaya 51:8

Pano akazizi kalayalya wa nsalu, kalalya ungati amavumbu ya mfwele. Lelo ulungami wane wene ulaelelela pee nu ufyusi wane umwalondenkanila inkulo.”

Ezaya 45:17

Lelo Yawe alatuula Izlaeli, nga ufyusi wakwe ulaya uwa muyayaya. Antu yakwe yatalazewana nanti ukulengwa insonyi nupya.’ ”

Masamu 88:1

We Yawe, Leza wino akantuula, umusanya nu usiku nkulila kunuli.

Masamu 72:17

Antu yangala yateezya yamwilila, nu lulumbi lwakwe lwalu kuyelelela wi lanzi. Antu ya mitundu nayo kayalumba umwene wa mpanga yao, yapapata na Leza ukuti ayapolelele, ndi vino wapolelile umwene wa mpanga yao.

Masamu 68:19

Mwalumbanya Yawe katuula witu, wino akatupokela ivisendo vitu cila wanda.