Masamu 24:2 - Amazwi Yakwe Leza 2013

² Pano wene waipanzile pa matenga yakwe yemba apisika ya nsi, nu mufula wakweyo apisika ya matenga yakwe yayemba.

Masamu 24:2 交叉參考

Yelemiya 5:22

Nene indi Yawe. Uzye lyene pacani cino musioopa nene? Uzye pacani cino musizakaza pa manso yane? Nemo nisile umusensenga uwamu nkumba yakwe yemba kuya ali nande kuli yemba, nande wakuyelelela wino mutalatala muciluke. Amayimbi yakwe yemba yangakatuka, lelo suka yaposiwe. Nanti yangapooma uli, lelo yatange yaciluke, awe.

Masamu 136:6

Wakuzile insi apapela ya matenga azike, pano luse lwakwe ulwa pe na pee.

Masamu 96:10

Mwalazye umu inamasi muti, “Yawe ali Mwene! Insi yonsi izyansya, itange itelengane foo. Wene alapingwila imitundu yonsi nu ulungi.”

Yobo 38:4

Uzye we, akuno wali lino naumbanga insi? Asuka tuvwe ndi cakuti wiluka ivintu.

Masamu 33:6

Yawe wapanzile amayulu ukwizwi lyakwe. Ilanzi, umwezi ni ntanda, navyo vyapangwa uku mupu wamu kanwa kakwe.

Utandiko 8:22

“Ndi vino insi ilaya pe, avino kumayanga insita ya kukomela ni ya kuzombola, kuzuka nu kukaya, cisanya ni cisiku, kasanya nu usiku. Vii, vitalasila.”

Masamu 95:4

Aliwe akateeka insi yonsi, Nanti sile ukutalimpa kwa myamba, ukwakwakwe.

Masamu 93:1

Yawe aliwe akateeka. Wazwala ivya ucindami, wazwala na maka. Aliwe uwatungilila insi, isi yakutelengana foo.

Masamu 89:12

Wapanzile intunga yaku katutu upanga ni yaku kayeya. Mwamba wa Tabo nu wa Helimoni vikakuumilila utupundu ni nsansa.