Masamu 24:10 - Amazwi Yakwe Leza 2013

¹⁰ Uzye fwandi Umwene walulumbi kwene wiyo aweni? Yawe Wamaka yonsi, ali Mwene wa lulumbi.

Masamu 24:10 交叉參考

Tito 2:13

lino tucili tukulolela Wanda upolelelwe uno tukupaalila, lilyo lino lulumbi lwakwe Leza mukulu na Katuula witu Yesu Klistu lulaloleka.

Mateo 25:34

Lyene Mwene alanena yao ali kwi kasa lilunji lyakwe ati, ‘Izini, mwe apolelelwe yakwe Tata. Ingilini mu Wene uno wateyanyizizye mwemwe kufuma ku utandiko wa uumbo wa insi.

Ezaya 54:5

Pano uwakuumba kwene aliwe alaya uwako. Izina lyakwe a Yawe Wamaka yonsi. Ali Katuula wako Wamuzilo wakwe Izlaeli, akaamwa Leza wa nsi yonsi.

Yoane 14:9

Yesu amunena ati, “Nati nikala namwe nsita ntali, lelo Filipo wemo utamanyile nene? Wino wandola, walola na Tata kwene. Uzye pacani ukuti, ‘Tulange So?’

Yoane 12:40

“Leza watapafuzya manso yao, nu kukomya myenzo yao, pakuti manso yao yatalola nanti yakampingu yao iiluke, pano limwi yangiza kunondi ne Leza, nga nane njapozye.”

Mateo 25:31

“Lino Mwana wa Muntu aliiza mu lulumbi lwakwe, pamwi na angeli onsi, wene alikala pa cilimba cakwe ca wene.

Luka 9:26

Muntu ndi wankana pamwi na mazwi yane, Mwana wa Muntu nawe alamukana lino aliiza mu lulumbi lwakwe, nu mu lulumbi lwakwe Isi nga nu lwa angeli yamuzilo.