3 Ali kuno akawezezya umwenzo wane amaka. Akantungulula umu nzila zya ololoke, pakuti ncindike izina lyakwe.
Ndatungulula impafu mu miseo ino yene yatamanya, ndayatungulula umu nzila izitamanyika kunoyali. Ndasangula imfinzi ino yakapita mwenemo kuti iye uluswepo. Alino amawe amu nzila, nemo ndayafumya mwenemo, pakuti yace yapita apaswepe. Ali vino nemo ndacita nupya ntalatala mvitazyele.
Pano wewe ciliwe cane ni linga lyane. Ali cino fwandi, apamulandu wi zina lyako, undangilile nu kuntungulula ndi muno walaila.
Amasunde yakwe Yawe yaya alungame. Yakapeela umi upya. Upinguzi wakwe Yawe uwa cumi. Ukapela amano kuli yao akayalonda.
We Leza, mpeko umwenzo wa kuyela uwike munondi umwenzo upya uposye.
We Yawe, nkweti anisi aingi! Ntungulule umukucita ukulonda kwako, Ungupazye inzila yako pakuti nalondelamo.
Umbwezezye insansa zya ufyusi wako, umpeele umwenzo ukome nupya utontelele.
Apakuyapususya ku mfwa, nu kuleka yakwate insansa mu wikazi wao.
Nkapita umu museo wa ololoke, umu nzila ya ulungami.
Nkanenola nu kuvunuka yonsi yano natemwa. Lyene ikako mano nu kuzenzuka.
Ndu tutuule, we Leza katuula witu, pano wemo wewe mucindami. Ali cino fwandi ndanga utwazwilizye, ukumbule na maifyo itu, alino antu yamakulumbanya.
Uololoke auno umakolelela Yawe, nga nu kumuteyanyizizya inzila umwakupita.
Nemo nakulanga imisango yakukwatilamo amano, nu kukutungulula umu nzila zya ulungami.
Inkululumba wa mfwele iponge, lelo ndanga undondole ne muzya wako, pano nemo ntapumbuka umu masunde yako.
Lelo nupya nasuzile sile pano nga nailetile sile nenga insonyi ku antu amitundu, alolanga kuno nayafumyanga mu Eguputo.
Silola, ndayawezya ukufuma ku kayeya, ndayakolonganika kufuma ku mpela zya pano nsi. Yonsi pyu impafu ni vilema, umwanaci anyomelile na wino ali pakulela, yonsi yalaweluluka kuno wi umba lino litaikulila.
Lekini tulumbanye Leza pa cikuku cakwe ca lulumbi, na pa wila uno watupeela mu Mwana wakwe mukundwe!
Katuwanzizye capamwi ukulu wakwe Yawe, katumulumbile ca pamwi!
Umfumye umu citeyo cino yatiyanteya. Wewe uli cisao cane.
Lelo wene wayapuswisye pamulandu wa ulayo wakwe apakuti alanga amaka yakwe alulumbi.
We Yawe Simwandalali ungantuula ndi muno wandaile, umpususye pamulandu ni citemwiko cako ica luse.
Pano ndimula umwenzo utovoke, ndikusya nu mwenzo onsi uno ukucula.
