Masamu 22:31 - Amazwi Yakwe Leza 2013

³¹ Antu yano yatacili yavyalwe yalanenwa vii, “Yawe watuuzile antu yakwe.”

Masamu 22:31 交叉參考

Masamu 78:6

apakuti yano yamatulondelelanga penepo nayo yavimanye nga nayo yasambilizya ana yao,

Masamu 86:9

Imitundu yonsi ino wapanga imaomokelanga kunuli, uku kupepa nu kukucindika we Yawe,

Loma 1:17

Pano Ilandwe Lisuma likasokolola vino Leza akapindulula umuntu kuti aye mololoke, apa kukwata utailo kufuma ku kutandika kufika nu ku mpelelekezyo. Ndi vino malembelo yataka, “Muntu wino Leza wacita ukuya mololoke pa utailo wakwe wene alaya nu umi.”

Masamu 102:18

Ivintu vii kavilembwe, apakuti inkulo zyonsi izilalondelela penepo zice zyamanya vino Leza wacisile, ali pakuti ana kuvyalwa nayo yace yamulumbanyako.

2 Kolinto 5:21

Klistu atatazile aifye! Lelo Leza wamucisile wakwe kaifya pamulandu witu, kuti muli Klistu tukume ku wololole wakwe Leza.

Ezaya 60:4

Tumpula amanso, celecensya konsi konsi. Lola vino yonsi yakolongana kunuli. Ana yako aonsi yafuma ukutali. Ana yako anaci yatiyayasendela pa lutungu, apa lumani.

Ezaya 54:1

Umila kapundu nu luzango we ng'umba wemuno usivyala ana. Pongomoka impooma ya luzango nu kusansamuka! Pano wemo ulakwatisya ana ukuluta na pa mwanaci wino iya atatala wasya.

Masamu 40:9

Umu ukongano ukulu wa antu yako, amuno nemo numa imbila yi landwe lisuma ilya ufyusi wako. Ala we Yawe wamanya mpiti ukuti nemo ntalatala inte ukwalazya ilandwe lii.

Ezaya 53:10

Leza nawe ali pakuvwanga ati, Icacumi anene kwene nalonzile ukuti muomvi wane acule, apakuti ku mfwa yakwe akuno kuye impolelwa yakulipila pa ui, pano lyene angakwata impyanyi, angalengela na panonsi, na vino nemo nateinye angaleka ukuti vyacitika ningo.