19 Utafuntuka kunondi we Yawe! Iza zuwa unkulule we maka yane!
We Yawe, uzye pacani cino uyelile kutali naswe? Uzye pacani cino waifisa apa nsita ino tuli umu ntazi?
Ulwimbo luu, ulwakwe Davidi luno wimbilile Yawe apa kumupususya umu minwe yakwe Saulo na anisi yakwe yonsi.
We Yawe, ala umwene watasansamuka, pano wemo wamupeela amaka ya kucimvya. Wene akuzanga pano wemo wamupeela ucimvyo.
Utafuntuka kunondi! Ala intazi ili umupipi, nga pasi nanti umwi uwakungavwa.
We Yawe, napapata untuule kweneko! We Yawe, napapata kalauka ngazwe!
We Yawe, nemo nene mupina nu mulanda, lelo uwalukunjiiusya. Wewe kazwa wane na katuula wane. Sungala ucincile ukwiza ntuula.
Nemo ntakweti amaka nupya nene mulanda. Leza, kalauka fwandi ukwiza kunondi. Wemo ukangavwa, nupya ukantuula. We Yawe, ala utalengela!
