9 We Yawe, azwilizya umwene kuti acimvye. Ungala uce utuvwe lilyo lino tulalaizya kunuli.
Kutika ku kupapata kwane, we Mwene nupya Leza wane. Nkapepa kunuli we Yawe.
Wemo wewe musambazi wane na Leza wane, wewe ukalenga ukuti antu yako yacimvye.
Lelo yasimapepo akalamba na yakasambilizya ya Masunde yasoka cuze pa kulola vintu vino wacisile vyakuzunguka, nga na vino ana anono yalaizyanga mu Ng'anda ikulu yakwe Leza, ala yakuti, “Mucinzi upelwe ku Mwana wakwe Davidi!”
Lelo wemo, we Leza, wewe uli Mwene wane. Ukutandikila sile uku mpiti, wewe ukaombesya apa kutupususya apa mpanga ya pano pansi.
Antu ali nkolelo nga na alondile cisila yonsi pamwi yasanzula mazwi yao yati, “Mucinzi upelwe ku Mwana wakwe Davidi! Walongo awiyo akwiza mwi zina lya Mwene! Mucinzi upelwe kuli Leza uwa papelapela!”
Yulikini mwe mpongolo, yulikini mwe milyango yampiti, kuti umwene walulumbi aingilemo.
Apanondi inkukulaizya. Njasuke we Leza. Uteye na matwi kunondi, uuvwe amazwi yane.
We Yawe, katuka! Nduntuule we Leza wane! Pano ukauma anisi yane umu nzekete. Ukatembola antu aipe.
Lelo kuli yayo akataila muli Yawe awe cumi yene amaka yao yakaweluluka. Yakakatuka na maka wakwe lyang'anda, na lino yavulumuka ulwilo yasitonta. Na lino yakupita sile, nalyo kwene amaka yao yasisila.
