Masamu 19:8 - Amazwi Yakwe Leza 2013

⁸ Amalamulo yakwe Yawe yaya alungame. Yao akayalondela yakasansamukila mwenemo. Amasunde yakwe yaya atunguluke, yakatungulula umupasi, nu kunjilula ningo.

Masamu 19:8 交叉參考

Masamu 12:6

Amazwi yakwe Yawe acumi. Yaya wakwe siluva umuzifiwe, wino yafumya umu kumwengulula umwi lungu amaila cinimbali.

Masamu 119:105

Amazwi yako ali lampi ilya kuntungulula, nupya ali luswepo lwa kunkozezya inzila yane.

Yelemiya 15:16

Wemo wavwanzile kunondi nga nani intezya amazwi yako yonsi. Nene wakwako, we Yawe Leza Wamaka yonsi, na mazwi yako ali luzango ni nsansa zyane.

Mapinda 30:5

Amazwi yonsi yakwe Leza acumi. Wene ali cisyangu, cakucingilila yao akuzina munoli.

Masamu 119:128

Acino pamulandu wakuti nkalondela amasambilizyo yako yonsi, nemo napata imisango iipe yonsi.

Mapinda 2:6

Pano Yawe aliwe akapeela amano, aliwe kwene ali ntulo ya kumanya nu kwiluka

Masamu 119:92

Iciya cakuti amasunde yako yasi akunzanzya, ngano nafwa mpiti uku macuzi yane.

Masamu 119:80

Leka nayela amasunde yako, nupya ntaya ni nsonyi zyakucimviwa.

Mapinda 6:23

Pano amasunde yali wa lukozyo, nu usambilizyo uli wa luswepo. Pano ukukalipilwa nu ufuke ili nzila ya umi.

Loma 7:22

Kwene mwenzo wane onsi ukazumilizya Masunde yakwe Leza.

Galatiya 2:19

Nafwile ku masunde, pano Masunde a nkoma. Nata kwikalilila mu masunde pakuti mu umi wane onsi naombela Leza. Nemo natanwa pa lupanda pamwi na Yesu.

Loma 3:20

Pano kusi umuntu nanti wenga wino angaya mololoke pa manso yakwe Leza pa kuyela sile Masunde. Mulimo wa Masunde ukulanga vino umuntu wifya.

Loma 7:7

Uzye lyene tumati kulondela Masunde yakwe Mose kuli kwifya? Awe, citangaya! Lelo kwene Masunde alenzile kuti imanye vino maifyo yaya. Pano Masunde yatakana kunena yati, “Utakumbwa ca muzo,” nga ntamanya na vino ulunkumbwa lwaya.

Masamu 119:16

Ivyeo vyako vikasansamusya, insiilila amazwi yako.

Masamu 119:14

Nkasansamuka umu kulondela inzila zyako, ukuluta napa vyuma vyonsi.

Ezekelo 36:27

Mupasi wane auno ndiika munomuli, nupya ndasumbako amano wakwe cimwi apakuti muce mwawaka amasunde yane ni vipope vyane vino nemo namupeela.

Masamu 119:171

Pa kanwa kane pafume amalumbo, pano ukansambilizya amasunde yako.

Masamu 119:143

Ucuzi nukunyongoloka vyati vindema ivintitikizya, lelo amasunde yako yakundetela uluzango

Masamu 119:130

Ulondolozi wa mazwi yako uli wa luswepo, wene ukaletela imbutuma amano.

Masamu 119:121

Natincita vyaololoke ni vilungame. Utantazyela nje mu makasa yakwe yayo anzunya.

Masamu 119:40

Nkulonda ukuyela amasunde yako, umpeele umi upya pano wewe mulungami.

Masamu 119:12

Si leka yakulumbanye, we Yawe, unsambilizye ivyeo vyako!

Masamu 105:45

apakuti antu yakwe yasunga amasunde yakwe, yalondela na malamulo yakwe.

Masamu 40:8

Ala nemo pasi pakutemwa ukucita vino wemo ukalonda, we Leza wane! Endi amasunde yako, nemo nkayawaka umu mwenzo wane.”

Masamu 13:3

Unjiusye nu kungasuka, We Yawe, Leza wane. Unjule amanso, pano limwi ningakasula utulo twamfwa.

Kufuma 18:16

Antu yaili ndi yapusana yakaiza kunondi njapingula nu kulola uwataponga nga aweni. Nupya namayanenanga malamulo na masunde yakwe Leza.”

Utandiko 26:5

Ndakupolelela, pamulandu wakuti Abulaamu wanjelanga nu kusunga amasunde yane, malayo na malamulo yane.”

Galatiya 3:21

Uzye cii cikusenula vino Masunde yasyazumilizyanya na malayo yakwe Leza? Awe, cisi vivyo! Pano antu ndi yapokelela Masunde angayapeela umi, ale lyene umuntu ali wensi angacitwa kuya mololoke pa manso yakwe Leza pakuyela Masunde.

Ezaya 64:5

Wemo ukatungulula yano yakacita vyaololoke nu kwiusya inzila zyako. Lelo kwene wasokanga lino twifyanga nu kukutalamila apa nsita ntali.

Masamu 119:54

Mukasi ka manda ya lwendo lwane pano nsi, natinsika inyimbo zya masunde yako.

Masamu 119:24

Vyeo vyako vikansansamusya, vili vino vikampanzya amano.

Neemiya 9:13

Wizile utentemukila apa Mwamba wa Sinai. Apano wemo wavwanzile ku antu yako ukufuma umwiyulu, nu kuyapeela amasunde alungame nupya ampomvu, ni vipope na malamulo asuma.

Neemiya 8:12

Caleka antu yonsi iyapita kumwao ku kulya nu kumwa. Iyatumila nauze tumwi tumwi nu kusansamuka wakwe cimwi, apamulandu wakuti yuvwikisye muno ivintu vino vyawelenzilwe vyalola.

Malango 16:14

Muce mwasansamuka pamwi na ana inu, na aomvi inu, na ina Levi, na inamasi, na ana asyale, alino na yamukamfwilwa yano yakaikala mu misumba inu.

Malango 16:11

Muce mwasansamuka pa manso yakwe Yawe Leza winu, mwemwe pali pamwi na ana inu, na aomvi inu, na ina Levi, na inamasi, na ana asyale, alino na yamukamfwilwa yano mukaikala nayo. Muce mucite cii pa ncende yonga iyakupepela penepo.

2 Yamwene 17:37

Lyonsi muce mwalondela ivyeo vyane na masunde yane yano namulembile. Mutakalondele tuleza tuze.

Masamu 93:5

We Yawe, ala amasunde yako yaya acumi pee na pee, ni sano lyako liye ilya kuyelelela ilyamuzilo mpaka umuyayaya.

Masamu 111:7

Umwene waya uwacumi nupya uwa ulungi muli vyonsi vino akacita. Amasunde yakwe yonsi yaya sile ningo.