5 Uzanzo wa kufwa wati umpombelekezya, nga ni nkose zya mfwa izilungatana nani.
Pano ukutemwa kwako kunondi ukwa muntaputuka ukukulu sana, Nemo wampususya nu kwi lindi kwene.
Lelo Leza wamusapwile ku kuwaika kwa mfwa, wamuzyukwile kufuma ku afwe, pano imfwa yaposiwe kumucimvya.
Umuntu atange amanye lino insita yakwe iliza. Cili wakwe vino ivyunyi vikaiukila ivilemya mu lukose, wa nswi ikaiukila yatilemya mwi sumbo. Avino naswe kwene tukaponelwa na masyamo pa nsita ino tutenekile.
Uzanzo wa mfwa wanzingulwike. Isakamiko lya mfwa wamvimbilikizye, icakuti nemo pasi pantete nu kusakamala sana.
We Yawe, ule unjasuke. Pano wemo waya ni nkumbu izivule. Senukila kunondi, pano wemo wakwatisya uluse!
Mulamba nawe ngano watuunzizye, na manzi yatutuwizya,
