Masamu 18:35 - Amazwi Yakwe Leza 2013

³⁵ Wemo wampeela ni cisyangu ica kumpususya. Ikasa lyako, ilyakwe ndilo lyancindamika, na amaka yako yambwaka.

Masamu 18:35 交叉參考

2 Samueli 22:36

We Yawe ukancingilila nu kuntuula. Nacindama pano ukangazwa.

Masamu 28:7

Yawe ali maka yane ni cisyangu cane, munoli ali muno umwenzo wane wataila. Wangazwa, nu mwili wane watiuzanga, ali cino nkumutaizya uku mwenzo wane onsi.

2 Kolinto 10:1

Ne Paulo, nkumupapata, ne muno antu yakati nene cantete lino ndi namwe, lelo mupame lino nsi namwe. Kupitila mu ufuke nga nu luse lwakwe Klistu nkumupapata

Ezaya 40:11

Amasunganga imfwele zyakwe wakwe kacema. Amakolonganikanga utwana twa mfwele, nu kutupakatila apa minwe yakwe. Amatungululanga na yanyina mfwele ningo sana, nu kuyatwala ukwa kupuzila.

Malango 33:29

Icumi mwe ina Izlaeli, mwemwe alongo! Kutatala kwaya yamwi akoline namwe, uluko luno Yawe watuula. Yawe umwisikulu ali cisyangu nu lupanga lwinu, ulwakumucingilila nu kumupeela ucimvyo. Anisi inu yaliza kunomuli nu kupapata kuti muyalolele uluse, lelo mwemo mulayalyatola pansi.

Masamu 17:7

Langa ukutemwa kwako ukwa kuzunguka, we muno ukapususya yayo akasimwilila kunuli ukufuma uku anisi yako.

Ezaya 22:3

Intunguluzi zyako zyonsi zyatizipuuka, nupya zyatizilemwa ukwaula ukuomvya uluceto nanti longa. Mwensi pyu mwemuno mwalemilwe mwasenzilwe ku kunyepwa, apacisila cakupuuka anisi lino yacili ukutali.

Masamu 5:12

Umu cumi, we Yawe, ukapolelela yayo akacita ivyaololoke nu kutemwa kwako kukayacingilila wa cisyangu.

Masamu 144:1

Kalumbanyiwe Yawe, Ciliwe cane! Wasambilizya iminwe yane ukumanya ukulwa, nu kulanga iminwe yane ivya ulwi.