31 Ale lelo Leza namuze ali kwi? Suka sile Yawe wenga mpo ali ciliwe cane? Suka sile Leza witu.
Anisi yao, yamanya ukuti tuleza twao tutakwata amaka, nupya tusi utwaulamba wakwe Leza wa ina Izlaeli.
Kutaya Leza uwaya wakwe wewe, we Yawe. Kutatala kuloleke nanti wenga uwacita wakwe vino wacita.
Nene indi Yawe, nupya kutaya namuze, kutaya Leza muze suka sile nene nenga. Namakupeela amaka yano ungalonda, nanti angala wemo utamanyile.
Yawe wenga sile ali Leza. Leza wenga sile ali linga litu.
“ ‘Nemo, nenga mpo, nene indi Leza. Kutaya leza namuze. Nkakoma nupya mpeela umi, nkacisa nupya mpozya, kusi nanti wenga angamufumbatula mu makasa yane.
“Kutaya nanti aumwi uwamuzilo wakwe Yawe. Kutaya nanti aumwi akoline nawe we Yawe, kutaya nanti wenga angacingilila wakwe Leza witu.
We Yawe, sungala walukutusunga nu kutuwaka pe uku luko luu.
Amazwi yonsi yakwe Leza acumi. Wene ali cisyangu, cakucingilila yao akuzina munoli.
Alino mwemo mwe ina Izlaeli apakuti mwati ivikacita Yawe vitalolamo, uzye cumi kwene vino nemo nkacita vitalolamo? Ala imisango inu sile ali ino italolamo.
