Masamu 18:28 - Amazwi Yakwe Leza 2013

²⁸ We Yawe, awewe ukakozya uluswepo lwa umi wane. Leza wane we muno ukankozezya umu kanda.

Masamu 18:28 交叉參考

Yobo 29:3

Leza wali nani lyonsi nu kunkozezya, ali wino wankozezyanga uluswepo lino nkupita umukanda.

2 Samueli 22:29

We Yawe wewe luswepo lwane. Wemo ukamfumizya imfinzi.

Ezaya 42:16

Ndatungulula impafu mu miseo ino yene yatamanya, ndayatungulula umu nzila izitamanyika kunoyali. Ndasangula imfinzi ino yakapita mwenemo kuti iye uluswepo. Alino amawe amu nzila, nemo ndayafumya mwenemo, pakuti yace yapita apaswepe. Ali vino nemo ndacita nupya ntalatala mvitazyele.

1 Petulo 2:9

Lelo mwemwe mutundu usololwe, yasimapepo aku wene. Mwemwe luko lwamuzilo, nupya antu yakwe Leza yano asololwa kuti yalande vicitwa vyakwe Leza vyakuzunguka. Leza uwamwama kuti mufume mu mfinzi nga mwize mu luswepo lwakwe ulwakuzunguka.

Mateo 4:16

Antu yano akaikala mu mfinzi, yati yalola luswepo lukulu lwa ufyusi. Na pali yao aikala kwati yali mu mpanga ya mfinzi, yati yalola luswepo lwa ufyusi wakwe Leza.”

Luka 1:79

nu kuyengesa pali yonsi yano aikala mu mfinzi nu mu cinzingwa ca mfwa, nga nu kututungulula mu kwikala umi wa mutende.”

Mapinda 20:27

Yawe watupile amano na kampingu, vivyo vino tutangafisa foo.

Masamu 112:4

Uluswepo lukakozezya umufite uku antu asuma, kuli yao a luse, ankumbu nupya alungami.

Ezaya 62:1

Nemo pali wewe Zioni ntange nikale sile cele. Nemo pali wewe Yelusalemu ntange ntonte kulanda pali wewe, mpaka sile ukululwe, mpaka sile indole ukuti insambu zyako zicate wa kasanya nu kucimvya kwako kuye wa luswepo ulukukozya usiku mu kanda.

Masamu 132:17

Ali muno ndasolola wenga uwamu mupanda wakwe Davidi ukuya umwene. Ali mukwene muno ndatengelela ulayo wa mwene musololwe wane.

Yobo 18:6

Uluswepo umwakwe lukazima. Nu lukozyo ulukamukozezya nalo kwene lukazima.

1 Yamwene 15:4

Lelo pamulandu wakwe Davidi, Yawe wapile Abiya umwana, kuti ateeka mu Yelusalemu lino wene waca wafwa.

1 Yamwene 11:36

Lelo umwana umonsi wakwe Solomoni ndamusila umutundu onga, pakuti lyonsi kwene ince nkwate umwi uwa mupanda wa muomvi wane Davidi, uwakuteeka mu Yelusalemu, umusumba uno nasolola kuti amuno yampepela.

Ezaya 2:11

Akuno uli uwanda umwi umu pipi, uno antu avilumba yalafusiwa amanso yao, uwanda uno ivilumba vyao vilasila. Awewe wenga sile we Yawe, wemuno ulacindamikwa mu wanda ulya.

Ezaya 2:12

Pano apa wanda sile uo kwene, ali pano we Yawe Wamaka yonsi ulanyata avilumba yonsi, kumwi na amisuula yonsi.