Masamu 18:14 - Amazwi Yakwe Leza 2013

¹⁴ Wafika inceto zyakwe nu kusalanganya anisi yakwe. Wayapuusya umu kupantoka kwa nkuwa.

Masamu 18:14 交叉參考

Masamu 144:6

Myantula inkuwa zyako usalanganye anisi. Sumba inceto zyako nu kuyazinganya.

Habakuku 3:11

Ilanzi nu mwezi ivimilila umwiyulu, apakulola ukuyengesa kwa nceto zyako, nu kukaoka kwa kuyengesa kwi sumo lyako.

Ezaya 30:30

Yawe amaleka antu yonsi yuvwe izwi lyakwe lya lulumbi, amaleka yuvwe na pano icipyu cakwe capelela. Kumaya icimbilimbili ca moto, ukupangalansya, imvula ya mawe nga nu kumyansya kwa mvula ya mawe.

Masamu 77:17

Amakumbi nayo iyafumfumula imvula, ni nkuwa nazyo izya pangalakasya, icakuti izyamyantola na monsi monsi.

Yobo 6:4

Leza Wamaka yonsi aliwe wandasola inceto, alino nu usungu waziko wasatila umu mwili wane monsi pyu. Vyonsi vino Leza akaofezya antu vyati vinzinguluka.

Yoswa 10:10

Yawe nawe ayalenga ukupamviwa nu kuzakantika pa manso ya ina Izlaeli, yao ayacimvizye apa kuyakomola cipezya amano ku Gibyoni. Aina Izlaeli nayo iyayacocovya mu museo uwaya ku Beti Holoni nga iyayakomola nzila yonsi ukufika ku Azeka nu ku Makeda.

Malango 32:42

Inceto zyane zilatona sile uwazi wao, nu lupanga lwane lulakomola yao akukanya vino nkulonda. Intalasya penepo nanti umwi pali yao alankatukila. Na yao kwene alasyala impondo kumwi na anyepwe, yalafwa yonsi pyu.’

Malango 32:23

“‘Ndatulika impungo pano yali izisi na mpela nu kuyalasa ni nceto zyane zyonsi.

Mpendwa 24:8

Leza wayafumizye mu Eguputo, Yaya na maka ya mbo. Yakakandola utumitundu twa anisi yao, Nu kukontola utumafupa twao, ku vyanzo vyao.

Masamu 21:12

Pano wemo ulayazinganya, umu kuyalasola inceto zyako mpaka yutuke.

Yobo 38:35

Uzye ungatala unene imvula kuti imyantule cakuti lino yawela, ikunene iti, ‘Musambazi, uzye aapi pano namamyansyizya nupya?’

1 Samueli 2:10

Anisi yakwe Yawe yalaloviwa lilyo lino alayafokela nu ukali wakwe, ukufuma kwiyulu ungati ukupangalansya. Yawe aliwe alapingula antu yonsi. Wene alapeela amaka ku mwene nu kulenga kuti wino wasolola aye kacimvya.”

Yobo 37:4

Nga alino ipalondelela penepo icilulumo cizwi lyakwe. Izwi lyakwe ilya mucinzi ilikuuza. Asiezya ukulesya ukumyantula apa nsita ino izwi lyakwe likuvwika.

Yobo 37:5

Icumi cumi Leza akayazungusya pali vino akacita, nupya ivyakutupezya amano.

Masamu 29:3

Izwi lyakwe Yawe likuvwika pali yayemba. Leza wa lulumbi, umucindami akupangalansya, Yawe akuuvwika wa kupanta kwa mvula pali yemba mukulu.

Masamu 29:7

Izwi lyakwe Yawe likumyantusya imvula.

Masamu 77:18

Inkuwa iyapangalakansya, alino nu kumyantula kwakweyo nako ikwakozya pano nsi, cakuti iyazakaza nu kutenta, iyatenta.

Yowelo 2:11

Izwi lyakwe Yawe likuvwika uku nkolelo ampuka ya vita vyakwe. Impuka ya vita vyakwe iikulu wakwe cimwi. Wino wensi akucita ukulonda kwakwe Yawe, umucumi wene uwamaka. Wanda ukulu wakwe Yawe uwakoofya sana. Uzye aweni angaposya pa wanda kwene ulya?