Masamu 18:13 - Amazwi Yakwe Leza 2013

¹³ Yawe wapangalansya ukufuma umwiyulu. Izwi lyakwe Leza Wapapelapela ilyuvwika ukufuma mwenemo.

Masamu 18:13 交叉參考

Masamu 104:7

Lelo lino wakalipile amanzi yaswilile mwenemo, lilyo lino yuvwile vino wavwanzile nayo yaswilile sile ulwilo.

1 Samueli 7:10

Lino Samueli wapeelanga uwila wakocela Yawe, aina Filisti nayo iyaya pa nkolelo ku kuzanza aina Izlaeli. Lelo pa kasita kaka kwene alino Yawe atuma ukupangalansya ku kalamba sana, cakuti aina Filisti iyavulungana, iyatandika nu kusimula cisimule simule.

Masamu 140:10

Leka amakala ya moto yayaponele, uyasumbile umu ciwina ca manda pe.

Umbwilo 19:6

Lyene nuvwile izwi lino lyuvwikike kwati iumba likulu, nupya kwati kupooma kwa cipoma nu kupangalansya kukulu. Nuvwile yakuti, “Aleluya! Pano Mwene Leza witu uwa maka, ali Kateeka!

Umbwilo 8:5

Alino mungeli atoola iciinga, azuzyamo umoto kufuma pa kavuwa, nga acisumbila pano nsi. Lyene kuya ciunda nu kupangalansya, kumyansya kwa nkuwa ni cilundumusi.

Umbwilo 4:5

Kufuma mu cilimba ca wene inkuwa yamyansyanga, ni ciunda cakupangalansya. Inkolelo ya cilimba ca wene pakanga inyali cinimbali. Zyene ili mipasi cinimbali yakwe Leza.

Yoane 12:29

Alino iumba ilimilile penepo lyuvwa izwi, nga yamwi mwi umba yalanda ukuti ukupangalansya kwa nkuwa, nga nayauze nao yati, “Mungeli uwatavwanga nawe!”

Habakuku 3:5

Wene akatuma impungo ya ndwala apa nkolelo yakwe nu kupeela ilamulo ku mfwa kuti ilondele apacisila cakwe.

Ezekelo 10:5

Icongo ca maapa yakwe yakelubi naco cuvwika nu ku musolo wa panzi, kwati a Leza Wamaka yonsi umweneco awino akuvwanga.

Masamu 78:48

Akomola ni viteekwa vyao uku mpungo na maufyo yaviteekwa iyafwa uku nkuwa.

Yobo 40:9

Uzye nawe wakwata amaka wa maka yakwe Leza? Uzye izwi lyako lingapanta wizwi lyakwe Leza?

Malango 32:24

Yalafwa ku nzala nu ku mpepo iyanzakaza, yalafwa ku ndwala iziipisye izitamanyika. Ndatuma ivilyanyi vya mpanga vikayazanze, nga ni nzoka izya usungu cuze ziyalumole.

Kufuma 20:18

Lino antu yonsi yuvwa kupangalansya, nu kulila kwa ntandala, yalola kumyansya kwa nkuwa ni cunsi pa mwamba, yazakaza ku ntete, yimilila kutali.

Kufuma 9:24

imvula ya mawe ikulu cuze, nga nu kumyansya lililili. Amawe ya mvula yali akuvwisya intete cakuti mwi landwe lya mpanga ya Eguputo yatatazile yapone mu musango ndi uu.

Yoswa 10:11

Lino aina Amoli yakuutuka aina Izlaeli mu museo ukufuma ku Beti Holoni ukutentemukila ku Azeka, Yawe ayaponyezya imvula ya mawe, nga yao afwile ku mvula ya mawe yavuzile ukuluta yao akomilwe na ina Izlaeli.

Masamu 11:6

Apa yaipe akaitila umunyeswa wa moto na maluti nu kuyaletela umuza wa cikaililwa ca mvumba, apakuti ayacuzye.