Masamu 18:11 - Amazwi Yakwe Leza 2013

¹¹ Acita imfinzi wa cintu cakuivimbilikizya mwenemo, amakumbi atikame amvula nayo ayasangula ica kuifupilizya mwenemo.

Masamu 18:11 交叉參考

Masamu 97:2

Amakumbi ni mfinzi vyamulilizya. Icumi nu ulungi ivikatungililila icilimba cakwe.

Malango 4:11

“Muce mwanena ana inu vino mwaile imwimilila umwisika lya mwamba uno wavimbilikiziwe na makumbi ya cunsi icafisizye na fititi. Alino ni cimbilimbili ca moto icalunkumanga ukufika nu mwiyulu.

Yowelo 2:2

Ulaya uwanda wa mfinzi nu ulanda, ulaya uwanda wa makumbi ni mfinzi. Impuka ya vita vyamaka iikulu cuze ikwiza, ino ikoline wa mfinzi iyatikupa imyamba, ino itatala yayako nupya italatala iyeko umu manda akwiza.

Masamu 91:1

Wiyo uwaya ku kuzina kuli Leza wapapelapela, umu mapa ya cisao cakwe Umweneco Wamaka yonsi,

Masamu 81:7

Lino mwacululukanga, mwandaizye, nani niza namupususya. Umwi kumbi lino lyapangalakansyanga, ali muno nafisime, nu kwasuka amuno namwasukilanga. Lino kwalolike amanzi ku Meliba ali kuno namumwesizye,”

Masamu 27:5

Umu nsita ya mazanzo, aliwe akansunga umu mutanda wakwe. Aliwe akamfisa umu Ng'anda yakwe ikulu nu kuntongamika apapelapela ya ciliwe.

Masamu 104:3

Napa manzi ya mwiyulu ali pano wakuula Ng'anda yako. Amakumbi ali yano wacita iceleta lyako. Umu muza ali muno wemo ukapitila.

Ezekelo 10:18

Alino nupya ucindami wakwe Yawe wafumile apa wingililo wa ng'anda ya mapepo nu kwiza imilila papela yakwe yakelubi.