5 Nemo nkalondela umu nzila zyako kwaula ukunenuka, pano limwi ingazo zyane zingasyelemuka.
Swemo tutakusangukila foo, nanti ukutalamila amasunde yako foo.
Ndi muno wandaile, ndemelele, utaleka impone. Utaleka inkota zincimvye.
Yawe alakucingilila uku mazanzo yonsi, alawaka umi wako.
Atalaleka ulwazo lwako lusyetuke, wiyo aakakulinda atalatala asipule foo.
Utaleka anisi yane yayuvwe panondi, utaleka yuvwe icilumba kunondi, ndi cakuti ulwazo lwane lwasyelemuka napona!
Wasalalika inzila umwakulyata ingazo zyane, kuti nazyo zitapumba inzila.
Akula nemo nati, “Ulwazo lwane ilwasyelemuka,” ukutemwa kwako We Yawe kukantungilila.
“Aliwe akacingilila antu yano yakamuyela lelo antu akacita ukakasi yene akayasunkilizya mu kanda. Pano umuntu atangacimvya ku maka yakwe wenga.
“Yawe Leza wamanya ukuti umuntu atange aisolwele umweneco uyo wakwe. Kusi umuntu uwakwata amaka apa umi wakwe.
Nemo lyonsi nkalondela umu ntampulo zyakwe, ni ngazo zyane zitatala zyapumba umwikula lyakwe.
Nkazinganya anisi yane suka injazana. Insiwela sile suka natala nayalovya.
