Masamu 16:3 - Amazwi Yakwe Leza 2013

³ Kuli yayo akaele aya muno nsi, ali yacindame yane yano nemo nkazangilamo.

Masamu 16:3 交叉參考

Ayebulai 6:10

Leza asi wa lufyengo. Wene atalilila mulimo uno mwaomba nanti kutemwa kuno mwalanga kunoli pa kwazwa kuno mucili mukwazwa aina Klistu yauzo.

Mapinda 13:20

Akapita nu wa mano nawe kwene alakwata amano, lelo ndi mwapita na akapweeka, ala nawe kwene ulapweeka.

Mapinda 12:26

Kacita wa visuma akatungulula auze ku vyaololoke, lelo inzila zya antu aipe zikaponzya.

2 Milandu 6:41

“Iye! We Yawe Leza, ale lyene katuka wingile mu cifulo cako, wewe kwene pamwi ni Mbokosi ya Upangano, iili icimanyililo ca maka yako, amuno uwaikalilila amanda pe. Uwapolelela yasimapepo yako umu vintu vyonsi vino yamacitanga. Uwaleka nu kuti antu yako yonsi yakusansamukila pano awewe ukayazanzya cuze.

Milimo 9:13

Ananiya aasuka ati, “Mwene, antu aingi yati yanena vya pa muntu wii, nga na pa vintu vipisye vino wacita pa antu yako mu Yelusalemu.

Malaki 3:17

Yawe Wamaka yonsi wavwanga wati, “Antu yayo yalaya akwane. Pa wanda uwo lino ndacita cimwi, yene yalaya akwane kololo. Ndaya na mizu kunoyali ndi vino umukwasi akaya na mizu ku mwanakwe wino akamutumikila.

Ezaya 62:4

Antu lyene yatalatala nupya yakwame, yati, “Icikona”, nanti yati, “Impanga isuulwe.” Lelo yamakwamanga yati, “Lukundo lwane.” Impanga yako yamayamanga yati, “Utwazi usuma.” Pano lyene Yawe watazangila munuli, ni mpanga yako imafumalilwa kuli Yawe.

Mapinda 8:31

Nasansamukanga nu kuzanga umu nsi umukaikala antu, nu kuzangila mu mutundu wa antu.

Masamu 119:63

Nene cuza wakwe yayo yonsi akakoopa, yayo yonsi akayela amasunde yako.

Masamu 116:15

Ala Yawe cikamuwaya sana umuntu wakwe umwi nga wafwa.

Masamu 101:6

Nemo nasololanga antu yano yakufukila we Leza, apakuti ayano yaomba ukwane ukwisano. Antu ya misango isuma ayano yamayanga aomvi yane.

Masamu 30:4

Lumbanyini Yawe umu nyimbo, mwe muno mwamutemwa. Iusini ivicitwa vyakwe wiyo Uwamuzilo, nu kumutaizya.

Tito 3:8

Muvwango uu uwa cumi. Nkulonda kuti walanda nu kukonkomezya vintu vii, pakuti yao ataila Leza yasakamale insita zyao mu kucita vintu visuma, ivyakwazwa umuntu wensi.

Efeso 1:1

Kalata kufuma kuli ne Paulo, ne muno nasolwa kuti nje mutumwa wakwe Klistu Yesu. Ku antu yakwe Leza yonsi yao akaikala mu Efeso nupya alondezi ataila muli Klistu.

Galatiya 6:10

Caleka tulinzile kucita visuma ku muntu wensi vino tungacita nu kuluta kuli yao ali alondezi yakwe Klistu.

Lwimbo lwakwe Solomoni 7:10

Nemo nene wa mukundwe wane, nawe akalonda nene sile.

Masamu 122:8

Apa mulandu wa inane na yacuza yane namavwanga inti, “Yelusalemu, umutende uye munuli!”