1 Lumbanyini Yawe! Imbilini Yawe ulwimbo lupya! Mulumbanyini mu ukongano wa antu yakwe acumi!
Mwimbilini ulwimbo lupya, lwakumucindika. Mulizye ingoma zinu usaka usaka, muumile na kapundu.
Yene imvile lwimbo lupya yati, “Wemo wazipilwa kutoola lupapulo nu kulematula vimanyililo vyakwelo. Pano wemo wakomilwe, nupya mu mfwa yako amuno wakalile Leza antu kufuma mu mitundu, ni ndimi, ni nko, nga ni misango ya antu yonsi.
Wene wavwanga wati, “We Leza, nemo ndanena aina yane ivya pali wewe. Ndakulumbanya mu ukongano wao.”
Lumbanyini Yawe! Lumbanyini Yawe mwe ikazi amwi yulu, mulumbanyini mwemuno mwikala apa sanzame!
Imbilini Yawe ulwimbo lupya, pano wacita ivyakuzunguka, nupya wacimvya uku maka yakwe nu ulamba wakwe ucindame.
Imbilini Yawe ulwimbo ulupya. Mulumbanyini mwemuno mwikala umu nsi yonsi ya pansi! Mulumbanyini mwe viumbwa vyonsi vyamuli yemba. Imbilini mwe mpanga zya kutali na yonsi aikala kweneko.
We Leza namakwimbila ulwimbo lupya, namakulumbanya umwi zeze ilya nsale ikumi.
Namafikilizya ulayo uno nalavile we Yawe, apa manso yi uvi lyako ilyati likolongana,
“Lumbanyani Leza mwe maumba ya antu mwe muno mwatimwiza mukongana. Lumbanyini Yawe, mwe muno mwatuntuka kuli Izlaeli!”
Mwene Leza awewe namalumbanyanga umu ukongano ukalamba pamulandu ni vintu vino wacita. Apa manso ya antu akamfukilila ali pano nemo namakupelanga impolelwa ino nakulavile.
Namalandilanga antu yane ululumbi lwako. Namakulumbanyanga lyonsi umu kukongana kwao.
Amwiyulu yakalumbanya ivizungusyo vyako, we Yawe, yene yakalumbanya na ucumi wako, umu ukongano wakwe yayo amuzilo.
Imbilini Yawe ulwimbo lupya! Imbilini Yawe, mwe ikazi yamu nsi yonsi!
Namataizyanga Yawe nu mwenzo wane onsi, mwi uvi lya ukongano wa antu yakwe.
Namakuwanzyanga ukwi uvi likalamba, nu kukuwanzizya ukwi umba lya antu ilikalamba.
