1 Lumbanyini Yawe! Lumbanyini Yawe mwe ikazi amwi yulu, mulumbanyini mwemuno mwikala apa sanzame!
Amwiyulu yakalumbanya ivizungusyo vyako, we Yawe, yene yakalumbanya na ucumi wako, umu ukongano wakwe yayo amuzilo.
Mwe mayulu, nawe we nsi, mwalumbanya Leza, pamwi nawe kwene we yemba, kumwi namwe viumbwa, mwe muno mwayamo mwensi!
Imbilini mwazanga, mwe viumbwa vyamu mayulu! Pongomoka nu luzango nawe we nsi. Mwe myamba saulini inyimbo, pano Yawe watamyalalika antu yakwe, nu kutezela alanda akwakwe.
Lumbanyini Yawe! We mwenzo wane, lumbanya Yawe!
Antu ali nkolelo nga na alondile cisila yonsi pamwi yasanzula mazwi yao yati, “Mucinzi upelwe ku Mwana wakwe Davidi! Walongo awiyo akwiza mwi zina lya Mwene! Mucinzi upelwe kuli Leza uwa papelapela!”
Lumbanyini Yawe mwe viumbwa vyakwe vyonsi, mpanga sile yonsi mu wene wakwe. Caleka we mwenzo wane lumbanya Yawe.
