6 Wene akakatusya aicefya, lelo aipe yene akayasyunola mpaka ku lukungu.
Akatungulula aicefya umu nzila nsuma, nu kuyasambilizya ukulonda kwakwe.
Acino, lyene muicefye nkolelo ya maka yakwe Leza, nga nawe alamukatusya mu nsita ino wasonta.
Muicefye mweisikulu pa manso ya Mwene, nga nawe alamutumpula.
Zenzukini nu kwiza kuli Yawe, mwensi mwe ikazi ya mpanga, yano yakayela amalamulo yakwe. Citini ivyaololoke nu kuicefya pa manso yakwe Yawe. Limwi muluutuka ukuvunukwa apa wanda uno Yawe alasokolola ukali wakwe.
Aliwe akanyemula apina ayafumya pa lutukumbu nu kukatusya aulilwa ukufuma pa citumba kuti ayapeele icifulo yikale na ene, kuti ayalasike pa vilimba vyaucindami. Imifula ya nsi iyakwe Yawe, nga apali pano wene wateeka insi.
Lelo kuyemba kwinu kulinzile kuya ukwa mukasi kinu, ukwa kukwata myenzo ifuke nupya itekele manda pe. Pa manso yakwe Leza cii icili campomvu kuluta.
Alongo antu afuke. Pano yalapyana insi.
Pano Yawe akazangila mu antu yakwe, aliwe akayacindamika, pakuyapeela ucimvyo.
Wene akaazwilizya yayo yonsi ali umu ntazi nga nu kukatusya yonsi yao apona.
Yakazwisya ya wazi na yayo aundyondyo apa lulimi, yene we Leza ulayasumbila umu ciwina icizike, icaula impela, lino yatacili yafike pakasi ka manda yao akwikala pano nsi. Lelo kwene nemo panondi pano, namatailanga muli wewe.
Lelo yao aicefya yalapyana impanga nu kusyukila ulongo ulumalilike.
Lumbanyini Yawe, Leza wakwe Izlaeli. Kalumbwe ilelo pe na pee! Ciye vivyo kwene! Ciye vivyo kwene!
Pa wanda ulya lino ndacita cimwi, mwemo mulacimvya yakaifya nayo yalaya wi twi uku ngazo zinu. Ne Yawe Wamaka yonsi navwanga.
