Masamu 147:2 - Amazwi Yakwe Leza 2013

² Yawe alakuululula Yelusalemu cipya cipya. Wene alawezya na ina Izlaeli aali umu uzya.

Masamu 147:2 交叉參考

Ezaya 56:8

Anene ne Yawe navwanga. Nene kwene nemuno nafumizye antu yane aina Izlaeli mu uzya nu kuyawezezya kumwao. Nalaya nu kuti ndakolonganika nayauze kwene pakuti yakize yakaye pali ponga kwene na yano nakolonganika mpiti.

Masamu 51:18

We Leza, uku luse lwako ungakomelezya Zioni, apakuti ilinga lyaku Yelusalemu, likulwe cipya cipya.

Malango 30:3

ale lyene Yawe alaya na mizu panomuli. Alamuwezya nupya ukufuma ku nko kuno wamusalanganyizizye nu kumupeela ulongo.

Ezekelo 38:8

Ndi papita amanda aingi, kulaya insita imwi ino ndakupeela isunde lya kuzanza impanga imwi, muno antu yaikalila uku matwi cele ukwaula inkondo, ukutandikila sile pano antu yakolonganile ukufuma umu mitundu yuze iingi, nu kwiza muno myamba yamu Izlaeli, ino yasiile amapooli apa nsita ntali.

Yelemiya 32:37

“Lolini, ndayakolonganika ukufuma ku mpanga zyuze kuno nayazingile cipyu cipyu, umu ukali wane nu kusoka kwane wakwe cimwi. Ndayawezezya uku ncende kwene ii, muno yalikala usaka.

Ezaya 62:7

Nupya cisi cakuleka ukuti yandeke intale mpuze, suka sile natala nakuululula Yelusalemu nu kumulenga aye uwa lulumbi pano nsi yonsi.

Ezaya 14:32

Ale lyene tulaasuka tutuli, uku nkombe zya mutundu wao uo? Tulasuka tuti, ‘Yawe Leza uwasokola Zioni, nga antu yakwe akucuziwa ali muno yalutukila.’”

Yelemiya 31:4

Namakukuula nupya, umakuulwa nalyuze we nacisungu wane Izlaeli. Ulaiyemvya nupya. Ulatola nu tungoma twako nu kucina ni nsansa pamwi na yayo atiyasansamuka.

Ezaya 27:13

Mu wanda ulya intandala ilalila, iyakwama aina Izlaeli yonsi yano yikala mu mpanga ya uzya, mu mpanga ya Asilya nu mpanga ya Eguputo. Yalawela nu kwiza pepela Yawe mu Yelusalemu, pa mwamba wakwe wamuzilo.

Neemiya 7:4

Yelusalemu wali umusumba ukalamba. Lelo antu anono sile yikalanga mwenemo, nga na mang'anda avule walanga yatacili yakuulululwe.

Danieli 9:25

“We Danieli umanye nu kwiluka cii: Ukutandika apa nsita ino ilamulo lyapilwe ilya kukuula Yelusalemu cipya cipya mpaka ukufika nalino Musololwe Wilya aliza, palapita imyaka cinimbali amaila cinimbali. Umusumba wa Yelusalemu ulakuulwa cipya cipya nupya ulaya ni miseo nga namalinga akome, apa myaka cinimbali amaila amakumi mutanda na iili. Lelo insita iyo ilaya insita ya ntazi.

Mateo 16:18

Petulo nakunena vino wewe lwala, na pa lwala luu apano ndakuula iuvi lyane, nga nanti maka ya mfwa yatalalicimvya.

Neemiya 6:15

Avino yamazile uku kuula ilinga apa wanda uwalenga amakumi yaili na yasano, lilyo ilyasenzile amanda amakumi yasano na yaili, umu mwezi wakwe Eluli.

Neemiya 6:16

Lino anisi itu yonsi aikalanga mu mpanga izyazingulwike yuvwa ukuti twamalila uku kuula, nu kulola yailolela, yazunguka wakwe cimwi nu kutovoka, pamulandu wakuti yilwike ukuti Leza witu uwazwilizyanga kuti umulimo uu uombwe.

Masamu 102:17

Lyene alauvwa ni ipepo lya antu yano watazile atazyela, alata nu kusuula ukupapata kwao.

Yelemiya 31:10

“Mwe mitundu yonsi, uvwini amazwi yakwe Yawe. Mulandile na antu yonsi aikala ku nkumba zyakwe yemba ukutali. Wino wasalanganyizizye aina Izlaeli, awino wayakolonganika nupya aliwe amayasunga ndi vino kacema akawaka ufyo wakwe.

Mika 4:6

Yawe wavwanga wati, “Mu wanda ulya, Ndakonganika ivilema. Ndakonganika yayo azingwa kumwao, na yayo yano naponyezizye amalanda.

Zakaliya 8:7

Nemo ndatuula antu yane, ndayafumya mu mpanga zyaku ufumondaka, nu mu mpanga zyaku uwondaka.