7 Yalalanda vya luse lwako ulutaikulila, nani ndaimbila vya ulungami wako.
Nemo namatakolanga ivyaya uluse lwakwe Yawe pee. Namamulumbanyanga pa vintu vyonsi vyakuzunguka vino wacita kunotuli. Watupolelela wakwe cimwi swe antu yakwe aina Izlaeli, pano wakwatisya uluse na mizu amuntaputuka.
Untuule uku mpanzela, Leza we katula wane. Alino nu lulimi lwane lumakulumbanyanga apa ulungi wako.
Twalilila uluse lwako kuli yao akumanya, nu ulungami wako kuli yao aswepe imyenzo.
Yene yakakuzangila umusanya onsi, yakalumbanya uololoke wako.
We Leza, usuma wako wafika sile nu mupela. Wemo wacita ivintu ivikalamba wakwe cimwi! Icacumi, kutaya nanti wenga uwaya wakwe wewe!
Umu manda yakwe akuteeka, antu amu Yuda yalacingililwa, nga na antu amu Yelusalemu yalikala mu mutende. Wene alaamwa ukuti, ‘Yawe ali ololoke witu’.
