3 Yawe wene umukulu nupya uwakulumbanya wakwe cimwi, ukulu wakwe kusi angautezya.
Umwene witu umukulu nupya uwamaka. Amano yakwe amuntapimwa.
Lolini vino ukama wakwe Leza wavulisya! Na mano yakwe vino yavulisya nga nu kumanya vino wamanyikisya vintu. Uzye aweni angalondolola vino upinguzi wakwe waya? Uzye aweni angamanya vino akacita?
Swemo tutangatezya ivintu ivikulu vino Leza akacita, nanti ukupenda ivinjelengwe vyakwe.
Uzye fwandi mwemo mutamanya? Uzye mwemo mutuvwapo? Ala Yawe ali Leza wa pee, aliwe waumba insi yonsi. Wene asitonta foo na maka yakwe yasicepa awe! Umuntu wene angaposiwa ukupima amano yakwe pano yapelela.
Tungaposiwa ukuvwa ukulu wa vintu vino Leza wacita. Ivipezya amano vino wacita, tutangakumamo uku vipenda.
Amano yako pali nene, akuzunguka nupya nkaposiwa ukutezya, yakulisya intange nkumemo.
Yawe ali mukulu nupya afwile ukucindikwa wakwe cimwi umu musumba wakwe, uwaya apapela ya mwamba wamuzilo.
Pano Yawe umukulu, nupya uwakulumbanya wakwe cimwi, Wene uwakoopa ukuluta tuleza tonsi.
Vyonsi vivyo, atumwi tumwi sile apa vintu nyanya vino vikalanga amaka yakwe Leza. Tukauvwa sile tunono umu kutotoza sile. Lelo ukuuza kwa kupangalansya kwakwe aweni angakwiluka?”
nupya ala yakwimba lwimbo lwakwe Mose, muomvi wakwe, nga nu lwimbo lwa Mwana wa Mfwele, yati, “We Mwene Leza wa maka yonsi, milimo yako iikulu, nupya iyakuzunguka! We kateeka wa nko zyonsi, miyele yako iya ololoke nupya iya cumi!
Yawe u mukulu nupya uwakulumbanya sana, wene uwakucindika wakwe cimwi, ukuluta tuleza tonsi utwasyala.
Icacumi amano itu yatange yafike penepo uku kumanya ukulu wakwe Leza, nanti ukupenda imyaka ino Leza ali nayo.
Wacila yonsi pyu uku maka nu ulungami. Ulungami wakwe wakula wakwe cimwi nu lufyengo mutaya.
