19 Wene akapeela ivikalonda akamoopa, akauvwa ukukuuta kwao nu kuyatuula.
Walonda ukuzangila muli Yawe, nga nawe alakupeela ivikalonda umwenzo wako.
Ndi mwikala munondi nga na mazwi yane ikala munomuli, lyene mulalenga consi cino mukulonda nga naco cilapelwa kunomuli.
Alongo antu yano yakalondesya kucita ivyawololoke vyakwe Leza ni myenzo yao yonsi. Pano Leza alayapeela vyonsi vino yakulonda.
Lyonsi lino twamulenga akatuvwa. Twamanya ukuti cii ica cumi. Nupya twamanya ukuti wene akatupeela vyonsi vino tukamulenga.
Kufika na ndakai mutali mulenge cimwi mwi zina lyane. Lengini nga mulapelwa, kuti muzange cuze.
Lino yene yalandaizya nemo ndayasuka, lino yaponelwa namalanda nemo namayanga nayo. Namayataasyanga nu kuyacindamika.
Mwaya ni coopo kuli Yawe, mwe antu yamuzilo mwensi. Pano yayo akaoopa Yawe, yatuulilwa icintu nanti cimwi.
Asi mwemwe mwansolwile, lelo nene namusolwile nu kumutuma kuti mukaseeka vizao vingi, vino vikaikalilila. Caleka Tata alamupeela consi cino mulamulenga mwi zina lyane.
Antu asuma ndi cakuti yapunda yati, “Tutulwe!” Yawe akayuvwa nu kuyatulanya ku macuzi yao yonsi.
Sangala akupeele vyonsi vino umwenzo wako ukakumbuka, akupeele nu longo muli vyonsi vino ukapanga ukucita,
Umu nsita ya ntazi yataluvwa insonyi nu mu nsita ya cipowe namo yalaikuta.
Umwenzo wa muntu mulungami ukaelenganya ukucita ivisuma. Akanwa ka ntalanganyi kene kakalanda ivyaukakasi.
Wataikusya anzala ni vintu visuma, na akama watayazinga yapita iminwe itupu.
Lelo kwene Yabezi wapefile kuli Leza wa ina Izlaeli ati, “We Leza, ungampolelela umpeele ni mpanga ikulu. Nkukulenga uye nani, nupya uwancingilila nu ku viipe vyonsi ivingandetela ukuwaika.” Nga Leza amupeela cino walenzile.
Yawe akaya umupipi sana na yayo ati yaputuka imisana. Wene akapususya antu yano yati yapelelwa amano.
