15 Amanso yakwe vyonsi ivipuma yakulola pali wewe, nga nawe ukavipeela ivyakulya apa nsita ilingine.
Wapile icakulya uku caumi icili consi, pano luse lwakwe ulwa pe na pee.
Vivyo vyonsi, awe vikalila wewe, apakuti uwavipeela icakulya uwavilisya insita yonsi.
“Nupya asilonda cimwi cino tungaleta kunoli apakumuombela, pano umwisikulu akapeela umi nu muza ni vintu vyonsi kuli onsi.
Lolini vyunyi vya mulwelele! Vyene visyakomela imbezu nanti kuzombola. Vyene vitakwata incende nanti inkoma mwakusezya vilyo. Lelo So uwa mwiyulu akavilisya. Uzye mwemo mutavilusile?
Lolini yamwankole! Yene yasyakomela imbezu nanti kuzombola. Yene yatakwata incende nanti inkoma mwakusezya vilyo. Leza akayalisya! Lelo mwemo muyalusile kutali.
Lelo ku nyama zyonsi zyamu mpanga nga ni vyunyi vyonsi ivikapapuka, visela vyonsi, viumbwa vyonsi vyaumi, natimpeela mulemvwe na mafwa kuti vyalya. Nga cicitika vivyo kwene.”
Mutuuvwa intete, mwe nyama zyamu mpanga, pasi pano umulemvwe watiumela umu nyika. Imiti nayo yatiseeka iviseekwa. Amasamvu na matingi vyativivula wakwe cimwi.
Utwana twakwe yacisama nato nga tutandika ukulila ala tukulonda icakulya cino Leza akatupeela.
Yawe umusuma kuli yonsi, nupya waya na mizu ku viumbwa vyakwe vyonsi.
