Masamu 145:1 - Amazwi Yakwe Leza 2013

¹ Namalandanga ukulu wako, we Yawe Leza wane, nupya ndalumbanya ni zina lyako amanda yonsi.

Masamu 145:1 交叉參考

Masamu 45:6

Icilimba ca wene cino Leza wakupela, icakuyelelela amanda yonsi! Uwene wako, wene ukauteeka umu kulungika.

Masamu 30:12

Ali pakuti umwenzo wane ukulumbanye ukwaula ukutonta. Caleka we Yawe Leza wane namakuwanzyanga amanda yonsi.

Masamu 34:1

Namawanzyanga Yawe insita zyonsi. Ntalatonta uku mulumbanya.

Mateo 25:34

Lyene Mwene alanena yao ali kwi kasa lilunji lyakwe ati, ‘Izini, mwe apolelelwe yakwe Tata. Ingilini mu Wene uno wateyanyizizye mwemwe kufuma ku utandiko wa uumbo wa insi.

Ezaya 33:22

Pano Yawe ali kapingula witu. Yawe ali kapela wa masunde, Yawe ali Mwene witu. Aliwe akatutuula.

Masamu 45:1

Nemo ninkwata amazwi yamwi asuma, a lwimbo luno natinsika ulwa kulumbanya kateeka. Izwi lyane limatololokanga kwati akalembelo kakwe kalemba uwi lembo ilisuma.

Masamu 44:4

Wemo wewe musambazi wane na Leza wane, wewe ukalenga ukuti antu yako yacimvye.

Masamu 30:1

Namakulumbanya we Yawe, pano awewe wati untuula. Utalesile kuti anisi yane yaitanka pali nene.

Umbwilo 19:16

Pa mwingila wakwe na pa lupamba lwakwe palemvilwe zina lino likati, “Kateeka wakwe yakateeka nu Mwene wakwe yamwene.”

Malaki 1:14

Citipu ciye pa muntu umusomvi wino akapeela inyama yaciwelewele wa mpolelwa kunondi, mu cifulo ca nyama isuma ino walaya ukupeela kunondi! Pasi pano nene Mwene mukulu, nga antu amu nko zyonsi yakangoopa.”

Danieli 4:37

“Lyene, ne Nebukadineza, nkulumbanya nu kucindika nu kupeela ululumbi ku Mwene wa mwiyulu, pamulandu wakuti vyonsi vino wene akacita ivisuma nupya ivya ulungi. Nupya wene angacefya yayo acilumba.”

Masamu 149:2

Izlaeli kazangile muli wiyo uwa muumvile. Antu amu Zioni kayazangile umu Mwene wao.

Masamu 145:21

Akanwa kane kamalumbanya Yawe, na antu yonsi kayalumbanye izina lyakwe ilya muzilo amanda pe.

Masamu 100:1

Imbilini Yawe, mumililini nu tupundu, mwemwe mwensi mwe ikala nsi yonsi.

Masamu 95:3

Pano Yawe ali Leza Mukulu, ali Mwene mukulu pali tuleza tonsi.

Masamu 68:4

Imbilini Leza inyimbo zyakumuwanzya, lumbanyini wiyo akapitila umu makumbi. Izina lyakwe a Yawe, zangangini apa cinso cakwe!

Masamu 52:9

Namakulumbanyanga sile, we Leza pa vintu vino wacita. Namapaalilanga mwi zina lyako, apa manso ya antu yako. Namakutaizyanga amanda pe, we Leza, pa vintu vino wacita. Pa manso ya antu yako, ndalanda ukuti wewe musuma, pano wewe musuma.

Masamu 5:2

Kutika ku kupapata kwane, we Mwene nupya Leza wane. Nkapepa kunuli we Yawe.

1 Milandu 29:13

Acino lyene, we Leza witu, tukukutaizya, nu kulumbanya izina lyako ilyalulumbi.”

Masamu 5:3

We Yawe ukauvwa izwi lyane akatondo. Lini ilanzi lyatunka, inkakulenga nga indolela kuti ungasuke.

Masamu 30:2

We Yawe Leza wane natinkulaizya, nga nawe watumpozya.

Masamu 75:9

Lelo nemo, ntalatala inte ukulumbanya Leza wakwe Yakobo, nanti ukumwimbila inyimbo zya malumbo.

Masamu 96:2

Imbilini Yawe, lumbanyini izina lyakwe! Cila wanda landini iviziipe vya ufyusi witu!

Masamu 118:28

Wewe, uli Leza wane acino nakutaizya. Wemo awewe Leza wane, nemo namakulumbilizyanga.

Masamu 146:2

Namalumbanya Yawe apa nsita ino ncili umumi, umu umi wane onsi namaimbilanga Leza wane.

Ezaya 38:20

Ica cumi, We Yawe watumpozya! Lyene swemo tumakulizizyanga ingoma, nu kukwimbila apa kukulumbanya, mu Ng'anda yako ikulu amanda yonsi yano tumaikala pano nsi.”