Masamu 144:13 - Amazwi Yakwe Leza 2013

¹³ Inkoma zitu nazyo, kazizuule ni vilyo vya misango ili yonsi. Imfwele zitu nazyo kazivyalane amazimbi na mazimbi umu vyalo vitu.

Masamu 144:13 交叉參考

Malaki 3:10

Ndetelini icikumi consi uku Ng'anda yane ikulu, pakuti mu Ng'anda ikulu yane muye ivyakulya. Lyene njezini mulole ndi ntangayula inzota umwiyulu nu kumupongolwela upolelelo nyanya wakwe cimwi.

Malango 28:8

“Yawe Leza winu alapolelela imilimo inu, alazuzya ivyakulya mu nkoma zinu. Wene alamupolelela mu mpanga ino akumupeela.

Malango 28:4

“Yawe alamupolelela amupeele ana avule, ni vyakulya vivule cuze, nga ni ng'ombe ni mbuzi zivule.

Malango 8:3

Wene wamulesile imupita ni nzala, nga lyene amupeela mana kuti mulye, icakulya cino mwemwe ni vikolwe vinu mutatazile mulye. Wene wacisile cii kuti amusambilizye ukuti umuntu atangaya nu umi pa cakulya citupu, suka api zwi lyonsi ilikafuma pa mulomo wa Mwene.

Aina Levi 26:10

Uzombozi winu ukaaya uvule cuze cakuti mukaakwata ivyakulya mwaka onsi. Lelo nalyo kwene mukaasumba sile kuulu uwamu nkoma zinu kuti musyale ncende ya vyakulya vicice.

Aina Levi 26:5

Mukaatwalilila ukuzombola ivilimwa mpaka kufika ni nsita ya kukolonganika viseekwa. Nupya mukaatwalilila kukolonganika iviseekwa mpaka kufika ni nsita ya kukomela. Mukaalya mwikuta nu kwikala mu mpanga inu mutende.