8 Undole uluse luse cila katondo, pano awewe sile nataila. Undangilile inzila umwakupita, pano umwenzo wane waya sile kunuli.
Yawe, Katuula wako, Wamuzilo wilya wakwe Izlaeli, wavwanga wati, “Nene indi Yawe, Leza winu, wiyo akamusambilizya vyakuti vyamuzipila, kuti ivintu vimuzipile. Nkamutungulula umu nzila ino mulinzile kupita mwenemo.
Leza akaikala umu musumba uo uno utalatala uwe, pano wene kumacaca, ala wataiza ku kuucingilila.
Yawe wati, “Namakusambilizyanga nu kukulanga inzila mwakupita. Namakuwakanga nu kukupanda mano.
Ndi mwaca mwafuma mu nzila, mwapumbukila ukwi kasa lilungi nanti limani, mulauvwa izwi lyakwe kuno likumunena iliti, “Mwe, ala inzila aeyi kuno ndangini muilondele.”
lelo nemo, namaimbililanga amaka yako akatondo konsi, namatolokanga apa kwimbila uluse lwako ulwa muntaputuka. Awewe nemo namapusukilanga kweneko. Nkaazina kunuli amanda ya mpelelekezyo yane.
Unsambilizye ukucita ukulonda kwako, pano wewe uli Leza wane. Uye umusuma kunondi, untungulule umu nzila ilungamane.
Nsambilizye, we Yawe, vino ukasi kuti incite, nu kuntungulula umu nzila nsuma, pano anisi yane anyanya.
Umu katondo uwatukwatila uluse lwako pee, ulwa muntaputuka apakuti twasansamuka nu kuzanga amanda pe.
Katwalozya imyenzo itu ukwiyulu kuli Leza, twapapata kunoli, twati,
We Yawe, si sansamusya ne muzya wako, pano akuli wewe wenga sile, akuno nkalozya amapepo yane.
Pano ukali wakwe uwapa kasita sile akanono. Uluse lwakwe lwene ulwa muyayaya. Amanguzi uli na minsozi, lelo akatondo upunda nu luzango.
Ndondolwela amasunde yako, nu kuyela namayayelanga nu kuyawaka nu mwenzo wane onsi.
Awewe wampanzile nu kumbumba na makasa yako. Umpeele ukwiluka, pakuti nsambilile amalamulo yako.
Su mwene alukulanga ukutemwa kwakwe ukwa pe akasanya, apakuti nalukumwimbila usiku, nu kupepa kuli Leza wiyo akampeela uumi.
We Yawe, nkweti anisi aingi! Ntungulule umukucita ukulonda kwako, Ungupazye inzila yako pakuti nalondelamo.
Lekini twezye ukumanya Yawe. Lekini tutukusye ukumumanya. Cumi kwene aliza kunotuli wa kutunka kwi lanzi, aliza kunotuli wa mvula ya macesya, ni yapa mooko ino ikatontekela umusili.”
Caleka Manoa amuuzya ati, “Lino amazwi yako yalafikiliziwa, uzye umwana wilya alasundwa uli nupya ivyani vino wene alacita?”
Nupya kwene Davidi auzya ati, “Uzye aikazi amu Keila yaliza yampeele pamwi na antu yane mu makasa yakwe Saulo?” Yawe nawe aasuka ati, “Ee, yalacita vivyo kwene.”
Uncingilile nu kuntuula! Utaleka inkuvwe insonyi, pano niza nazina kunuli.
