6 Ungala sile uvwe ukupapata kwane, ulanda wati ukulisya, untuule kweneko kuli yao akuncuzya pano yatiyandusya amaka.
Utatuvunuka apa uyi uno vikolwe vitu vyacisile. Ale swemo, utuyelele sile uluse, pano swemo amano yati yatupela.
Yawe akapokolola kweneko yayo apelelwa, aliwe wampuswisye lino nali umu ntazi.
Watwiwisye lino twazanzilwe, pano luse lwakwe ulwa pe na pee.
We Yawe, uvwa ukulenga kwane ukufumaluke, kutika uku kuilizyanya kwane. Sumba amano uku kupapata kwane kuno ku kufuma uku kanwa ka cumi.
Lelo mu vintu vii vyonsi tukweti kucimvya mu maka yakwe Leza wino watutemwa.
Uzye aweni angapeela asololwe yakwe Leza mulandu?
Kalauka unjasuke we Yawe! Umupasi wane watiuongoka, utafisa usyu wako kunondi, pano limwi ningaya wakwe yaya aikala kuzimo.
Silola! Ayayo yatiyanteyamila. Antu ya lukang'ansi yatiyantenga. Asi mulandu wakuti nani natinifya, nanti ukuluvyanya penepo cimwi, awe.
Antu akamfyenga ukwaula umulandu yakulu kuvulila kweneko. Yao ampata sile uku mufulo, yene yasi yakupenda.
Wene wankulwile uku anisi yane amaka, kuli yayo yano yakandwisya, yano yanduta amaka.
Iye mwe Yawe, nkweti anisi aingi wakwe cimwi! Yayo akankatukila yavula sana!
Si lolini cino umwene wa ina Izlaeli akwezyanya ukukoma! Si lolini cino wene akuzinganya! Simbwa umufwe! Akalupantila!
Umwanisi akucuzya umwenzo wane. Watafwanta umi wane pansi. Watampatikizya ukwikala umu mfinzi, ungati ayano yafwa mpiti.
Ukuya kwene nemo nazumila ukuti ndikala pano nsi, mpaka sile ince ndole usuma wako we Yawe.
Ali cino fwandi, insi nanti ingatengana, swemo tutangetoope, nanti sile imyamba ingakunkulukila umu maziya yakwe yemba,
alanena Yawe ati, “Wewe uli cele lyane, muno nkauwa! Wewe Leza wane wino nataila.”
